| ᠡᠸᠦ᠋ᠷᠤᠫᠠᠴᠤᠳ ᠤᠨ ᠬᠡᠯᠡᠳᠡᠭ ᠶᠦᠷᠲ᠋ᠠ ᠪᠤᠶᠤ ᠢᠰᠡᠬᠡᠢ ᠭᠡᠷ᠂ ᠬᠤᠲᠠ ᠠᠶᠢᠯ᠂ ᠮᠣᠷᠢ ᠭᠤᠷᠪᠠ ᠨᠢ | ᠮᠣᠩᠭᠤᠯ ᠤᠨ ᠮᠢᠩᠭᠠ ᠮᠢᠩᠭᠠᠨ ᠬᠥᠪᠡᠭᠦᠳ ᠦᠬᠢᠳ ᠢ ᠡᠯᠳᠡᠵᠦ ᠰᠤᠷᠢᠵᠤ ᠬᠥᠭᠵᠢᠯᠲᠡ ᠶᠢᠨ ᠬᠢᠨᠢ ᠳᠡᠭᠡᠳᠦ | ᠲᠥᠪᠰᠢᠨ ᠳᠤ ᠭᠠᠷᠭᠠᠵᠤ ᠲᠠᠯᠪᠢᠭᠰᠠᠨ ᠪᠠᠶᠢᠳᠠᠭ᠃ | ᠨᠢᠭᠡ᠂ ᠢᠰᠡᠭᠡᠢ ᠭᠡᠷ ᠪᠣᠯ ᠨᠡᠭᠦᠳᠡᠯᠴᠢᠳ ᠤᠨ ᠬᠥᠭᠵᠢᠯᠲᠡ ᠶᠢᠨ ᠬᠠᠮᠤᠭ ᠤᠨ ᠦᠨᠳᠦᠰᠦᠨ ᠰᠠᠭᠤᠷᠢ | ᠪᠣᠯᠣᠨᠠ᠃ ᠶᠠᠭᠤᠨ ᠤ ᠡᠮᠦᠨᠡ ᠢᠰᠡᠭᠡᠢ ᠭᠡᠷ ᠨᠢ ᠮᠣᠩᠭᠤᠯ ᠬᠥᠮᠥᠨ ᠤ ᠪᠡᠶᠡ ᠰᠡᠳᠬᠢᠯ ᠤᠨ ᠡᠷᠡᠭᠦᠯ ᠮᠡᠨᠳᠦ ᠳᠤ | ᠬᠠᠮᠤᠭ ᠤᠨ ᠲᠣᠬᠢᠯᠢᠬ ᠨᠥᠬᠦᠴᠡᠯ ᠢ ᠪᠦᠷᠢᠯᠳᠦᠭᠦᠯᠵᠡᠢ᠃ ᠢᠰᠡᠭᠡᠢ ᠭᠡᠷ ᠤᠨ ᠠᠭᠠᠷ ᠤᠨ ᠰᠤᠯᠢᠯᠴᠠᠭᠠ ᠬᠢᠬᠦ | ᠣᠨᠴᠠᠭᠠᠢ ᠪᠦᠳᠦᠴᠡ ᠨᠢ ᠭᠡᠷ ᠢ ᠢᠮᠠᠭᠲᠠ ᠰᠣᠳᠣᠨ ᠰᠠᠶᠢᠬᠠᠨ ᠠᠮᠢᠰᠬᠤᠯ ᠲᠠᠢ ᠪᠠᠶᠢᠯᠭᠠᠳᠠᠭ᠃ ᠬᠥᠮᠥᠰ | ᠥᠩᠭᠡᠷᠡᠭᠰᠡᠨ ᠳᠤ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠬᠥᠮᠥᠨ ᠤ ᠠᠮᠢ ᠨᠠᠰᠤ ᠶᠢ ᠬᠠᠳᠠᠭᠠᠯᠠᠬᠤ ᠴᠢᠬᠤᠯᠨ ᠡᠨᠧᠷᠭᠢ ᠭᠡᠵᠤ | ᠦᠵᠡᠵᠦ ᠪᠠᠶᠢᠭᠰᠠᠨ ᠪᠣᠯ ᠣᠳᠣ ᠪᠣᠯᠬᠤ ᠳᠤ ᠠᠭᠠᠷ᠂ ᠣᠷᠴᠢᠨ ᠲᠣᠭᠤᠷᠢᠨ ᠨᠢ ᠴᠦ ᠬᠥᠮᠥᠨ ᠤ ᠡᠷᠡᠭᠦᠯ ᠮᠡᠨᠳᠦ ᠳᠤ | ᠴᠢᠬᠤᠯᠨ ᠨᠥᠯᠦᠭᠡ ᠲᠠᠢ ᠪᠣᠯᠬᠤ ᠶᠢ ᠬᠦᠨᠳᠦᠳᠬᠡᠵᠦ ᠦᠵᠡᠬᠦ ᠪᠤᠯᠵᠠᠢ᠃ ᠬᠤᠲᠠ ᠰᠠᠭᠤᠷᠢᠨ ᠤ ᠨᠦᠰᠡᠷ ᠶᠡᠭᠡ | ᠳᠡᠪᠵᠢᠶᠡᠨ ᠱᠤᠤᠭᠢᠶᠠᠨ᠂ ᠬᠤᠭ ᠨᠤᠪᠰᠢᠨ ᠤ ᠨᠢᠰᠤᠭᠤᠨ ᠦᠨᠦᠷ᠂ ᠬᠥᠮᠥᠰ ᠤᠨ ᠬᠦᠢᠲᠡᠨ ᠴᠡᠪᠳᠡᠭ | ᠬᠠᠷᠢᠯᠴᠠᠭᠠ ᠲᠠᠢ ᠬᠠᠷᠢᠴᠠᠭᠤᠯᠬᠤ ᠳᠤ ᠬᠡᠭᠡᠷᠡ ᠲᠠᠯᠠ ᠶᠢᠨ ᠠᠮᠤᠭᠤᠯᠠᠩ ᠲᠠᠶᠢᠪᠤᠩ ᠬᠥᠭ ᠠᠶᠠᠰ᠂ ᠡᠪᠡᠰᠦ | ᠤᠷᠭᠤᠮᠠᠯ ᠤᠨ ᠰᠤᠳᠤᠨ ᠦᠨᠦᠷ᠂ ᠮᠠᠯ ᠠᠳᠤᠭᠤᠰᠤ᠂ ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨ ᠤ ᠢᠷᠠᠭᠤ ᠡᠭᠡᠰᠢᠭᠯᠡᠩ ᠤᠨ ᠳᠤᠮᠳᠠ | ᠪᠠᠶᠢᠬᠤ ᠬᠥᠮᠥᠨ ᠤ ᠰᠡᠳᠬᠢᠯ ᠰᠠᠨᠠᠭᠠᠨ ᠳᠤ ᠬᠡᠴᠢᠨᠡᠨ ᠲᠠᠭᠠᠯᠠᠮᠵᠢᠲᠠᠢ ᠠᠵᠢ᠃ ᠢᠯᠠᠩᠭᠤᠶᠠ ᠢᠰᠡᠭᠡᠢ ᠭᠡᠷ ᠨᠢ | ᠨᠡᠭᠦᠵᠦ ᠪᠠᠭᠤᠬᠤ ᠳᠤ ᠳᠥᠬᠦᠮ ᠪᠠᠶᠢᠳᠠᠭ ᠪᠣᠯᠬᠤᠷ ᠨᠤᠲᠤᠭ ᠬᠠᠭᠤᠴᠢᠷᠠᠵᠤ᠂ ᠡᠯᠳᠡᠪ ᠸᠢᠷᠦ᠋ᠰ ᠪᠠᠺᠲ᠋ᠧᠷᠢ ᠡᠭᠦᠰᠴᠦ | ᠦᠷᠡᠵᠢᠬᠦ ᠠᠴᠠ ᠡᠮᠦᠨᠡ ᠰᠢᠨᠡ ᠨᠤᠲᠤᠭ ᠰᠡᠯᠭᠦᠵᠦ ᠪᠠᠶᠢᠩᠭᠤ ᠶᠢᠨ ᠰᠢᠨᠡ ᠰᠤᠷᠭᠤᠭ ᠤᠷᠴᠢᠨ ᠳᠤ ᠠᠮᠢᠳᠤᠷᠠᠳᠠᠭ | ᠪᠣᠯᠬᠤᠷ ᠮᠣᠩᠭᠤᠯᠴᠣᠳ ᠤᠨ ᠤᠷᠮᠠ ᠰᠡᠳᠬᠢᠯ ᠦᠷᠬᠦᠯᠵᠢ ᠪᠠᠳᠠᠷᠠᠭᠤᠨ᠂ ᠪᠡᠶᠡ ᠮᠠᠬᠠᠪᠤᠳ ᠬᠠᠲᠠᠭᠤ ᠴᠢᠭᠢᠷᠠᠭ᠂ | ᠰᠡᠳᠬᠢᠯ ᠰᠠᠨᠠᠭᠠ ᠠᠭᠤᠵᠢᠭᠤ ᠲᠠᠯᠪᠢᠭᠤ ᠪᠠᠶᠢᠳᠠᠭ ᠶᠤᠮ᠃ | ᠬᠤᠶᠠᠷ᠂ ᠬᠤᠲᠠ ᠠᠶᠢᠯ ᠪᠣᠯ ᠮᠣᠩᠭᠤᠯᠴᠣᠳ ᠤᠨ ᠨᠡᠶᠢᠭᠡᠮ ᠤᠨ ᠬᠠᠮᠤᠭ ᠤᠨ ᠦᠨᠳᠦᠰᠦᠨ ᠵᠣᠬᠢᠶᠠᠨ | ᠪᠠᠶᠢᠭᠤᠯᠤᠯᠲᠠ ᠪᠤᠯᠤᠨᠠ᠃ ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ ᠤᠨ ᠰᠠᠭᠤᠷᠢ ᠪᠣᠯᠣᠭᠰᠠᠨ ᠮᠠᠯ ᠠᠵᠤ ᠠᠬᠤᠢ ᠶᠢᠨ | ᠦᠢᠯᠡᠳᠪᠦᠷᠢᠯᠡᠯ ᠤᠨ ᠪᠦᠬᠦ᠋ᠢᠯᠨ ᠦᠢᠯᠨ ᠠᠵᠢᠯᠯᠠᠭᠠ ᠪᠣᠯᠣᠨ ᠨᠡᠶᠢᠭᠡᠮ ᠤᠨ ᠦᠢᠯᠨ ᠠᠵᠢᠯᠯᠠᠭᠠ ᠨᠢ ᠴᠦᠮ ᠬᠤᠲᠠ | ᠠᠶᠢᠯ ᠤᠨ ᠬᠦᠷᠢᠶᠡ ᠬᠡᠪᠴᠢᠶᠡᠨ ᠳᠤ ᠶᠠᠪᠤᠭᠳᠠᠳᠠᠭ᠃ ᠬᠠᠮᠤᠭ ᠤᠨ ᠭᠤᠣᠯ ᠨᠢ ᠡᠶᠢᠮᠦᠷᠬᠦᠤ ᠠᠶᠠᠨᠳᠠᠭᠠᠨ | ᠪᠦᠷᠢᠯᠳᠦᠭᠰᠡᠨ ᠬᠠᠮᠳᠤᠯᠢᠭ ᠴᠣᠭᠴᠠ ᠨᠢ ᠮᠣᠩᠭᠤᠯᠴᠣᠳ ᠤᠨ ᠲᠦᠮᠨ ᠪᠤᠮᠠᠨ ᠦᠶᠡ ᠠᠴᠠ ᠬᠤᠷᠠᠮᠳᠤᠭᠤᠯᠵᠤ | ᠢᠷᠡᠭᠰᠡᠨ ᠤᠶᠤᠨ ᠤ ᠠᠰᠤᠷᠤ ᠶᠡᠭᠡ ᠥᠪ ᠢ ᠤᠯᠠᠮᠵᠢᠯᠠᠵᠤ᠂ ᠠᠮᠢᠳᠤᠷᠠᠯ ᠳᠤ ᠪᠠᠨ ᠬᠡᠷᠡᠭᠵᠢᠭᠦᠯᠵᠦ᠂ ᠤᠯᠠᠮ | ᠴᠠᠭᠠᠰᠢᠳᠠ ᠬᠥᠭᠵᠢᠭᠦᠯᠬᠦ ᠳᠤ ᠠᠰᠢᠭᠲᠠᠢ ᠪᠠᠶᠢᠳᠠᠭ᠃ ᠬᠡᠯᠡᠯᠭᠡᠨ ᠦᠭᠡᠢ ᠬᠡᠦᠬᠡᠳ ᠪᠠᠭᠠᠴᠣᠳ ᠢᠶᠠᠨ | ᠬᠥᠮᠥᠵᠢᠭᠦᠯᠬᠦ ᠨᠢ ᠴᠦ ᠬᠤᠲᠠ ᠠᠶᠢᠯ ᠤᠨ ᠨᠢᠭᠡᠨ ᠭᠤᠣᠯ ᠡᠭᠦᠷᠭᠡ ᠪᠣᠯᠣᠨᠠ᠃ ᠬᠤᠲᠠ ᠤᠰᠤᠨ ᠤ ᠠᠬᠠᠮᠠᠳ | ᠲᠤᠮᠤᠭᠠᠲᠠᠳ ᠲᠡᠷᠨ ᠬᠤᠲᠠ ᠤᠰᠤᠨ ᠤ ᠪᠠᠨ ᠬᠡᠦᠬᠡᠳ ᠪᠠᠭᠠᠴᠣᠳ ᠢ ᠥᠪᠡᠷ ᠤᠨ ᠢᠶᠠᠨ ᠬᠡᠦᠬᠡᠳ ᠲᠠᠢ ᠡᠭᠡᠭᠡ | ᠠᠳᠠᠯᠢᠬᠠᠨ ᠦᠵᠡᠵᠦ ᠬᠦᠮᠦᠵᠢᠭᠦᠯᠳᠡᠭ ᠳᠠᠳᠬᠠᠯ ᠲᠠᠢ᠃ ᠪᠦᠬᠦ ᠬᠤᠲᠠ ᠤᠰᠤᠨ ᠤ ᠬᠡᠦᠬᠡᠳ ᠤᠳ ᠬᠤᠲᠠᠨ ᠤ ᠪᠠᠨ | ᠠᠯᠢ ᠨᠢᠭᠡ ᠠᠶᠢᠯ ᠳᠤ ᠤᠴᠢᠪᠠᠯ ᠲᠡᠷᠨ ᠠᠶᠢᠯ ᠤᠨ ᠬᠡᠦᠬᠡᠳ ᠲᠠᠢ ᠠᠳᠠᠯᠢᠬᠠᠨ ᠠᠵᠢᠯ ᠢ ᠨᠢ ᠬᠠᠮᠵᠢᠵᠤ᠂ ᠬᠤᠶᠢᠨᠠ | ᠡᠮᠦᠨᠡ ᠨᠢ ᠵᠠᠷᠤᠭᠳᠠᠳᠠᠭ ᠪᠥᠭᠡᠳ ᠲᠡᠷᠨ ᠠᠶᠢᠯ ᠨᠢ ᠴᠦ ᠥᠪᠡᠷ ᠤᠨ ᠬᠡᠦᠬᠡᠳ ᠲᠠᠢ ᠡᠭᠡᠭᠡ ᠠᠳᠠᠯᠢᠬᠠᠨ ᠢᠳᠡᠭᠦᠯᠵᠦ | ᠤᠤᠭᠤᠯᠭᠠᠨ᠂ ᠵᠥᠪ ᠶᠠᠪᠤᠳᠠᠯ ᠢ ᠨᠢ ᠰᠠᠶᠢᠰᠢᠶᠠᠨ ᠤᠷᠮᠠᠰᠢᠭᠤᠯᠵᠤ᠂ ᠠᠯᠳᠠᠭᠠ ᠪᠤᠷᠤᠭᠤ ᠶᠢ ᠨᠢ ᠵᠠᠰᠠᠵᠤ | ᠵᠠᠯᠠᠷᠠᠭᠤᠯᠳᠠᠭ᠃ ᠭᠤᠶᠠᠳᠠᠭᠠᠳ ᠠᠪᠤᠭᠰᠠᠨ ᠴᠦ ᠠᠶᠢᠯ ᠤᠨ ᠠᠬᠠᠮᠠᠳ ᠨᠠᠮᠠ ᠶᠢ ᠭᠤᠶᠠᠳᠠᠯᠠ ᠭᠡᠵᠤ ᠭᠤᠮᠤᠳᠠᠳᠠᠭ | ᠦᠭᠡᠢ᠃ ᠥᠪᠡᠷ ᠤᠨ ᠬᠢᠨᠢ ᠠᠪᠤ ᠡᠵᠢ ᠴᠦ ᠮᠠᠨ ᠤ ᠬᠡᠦᠬᠡᠳ ᠢ ᠭᠤᠶᠠᠳᠠᠯᠠ ᠭᠡᠵᠤ ᠥᠮᠥᠭᠡᠷᠡᠳᠡᠭ ᠦᠭᠡᠢ᠃ ᠬᠠᠷᠢᠨ | ᠬᠡᠦᠬᠡᠳ ᠤᠨ ᠠᠯᠳᠠᠭᠠ ᠶᠢ ᠬᠠᠷᠠᠵᠤ ᠪᠠᠶᠢᠭᠠᠳ ᠬᠡᠯᠡᠬᠦ ᠦᠭᠡᠢ ᠪᠣᠯ ᠬᠡᠦᠬᠡᠳ ᠢ ᠮᠠᠭᠤ ᠰᠤᠷᠭᠠᠯᠠ ᠭᠡᠵᠤ ᠪᠤᠴᠠᠭᠠᠳ | ᠰᠠᠭᠠᠬᠠᠯᠲᠠ ᠶᠢᠨ ᠠᠬᠠᠮᠠᠳ ᠢᠶᠠᠨ ᠪᠤᠷᠤᠭᠤᠳᠬᠠᠳᠠᠭ᠃ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠲᠡᠳᠡ ᠬᠠᠮᠲᠤ ᠪᠠᠷ ᠢᠶᠠᠨ ᠬᠡᠦᠬᠡᠳ | ᠬᠥᠮᠥᠵᠢᠭᠦᠯᠬᠦ ᠡᠭᠦᠷᠭᠡ ᠲᠠᠢ ᠪᠠᠶᠢᠳᠠᠭ᠃ ᠲᠡᠶᠢᠮᠦ ᠤᠷᠴᠢᠨ ᠳᠤ ᠥᠰᠥᠭᠰᠡᠨ ᠬᠡᠦᠬᠡᠳ ᠪᠤᠰᠤᠳ ᠢ ᠬᠦᠨᠳᠦᠯᠡᠳᠡᠭ᠂ | ᠬᠥᠮᠥᠨ ᠳᠤ ᠲᠤᠰᠠᠷᠬᠠᠭ᠂ ᠶᠠᠮᠠᠷ ᠴᠦ ᠶᠠᠭᠤᠮᠠᠨ ᠳᠤ ᠡᠪᠰᠡᠭ᠂ ᠪᠡᠶᠡ ᠪᠠᠨ ᠳᠠᠭᠠᠭᠠᠬᠤ ᠪᠠᠷ ᠰᠠᠶᠢᠨ ᠪᠣᠯᠳᠠᠭ᠃ | ᠭᠤᠷᠪᠠ᠂ ᠮᠣᠷᠢ ᠪᠣᠯ ᠮᠣᠩᠭᠤᠯᠴᠣᠳ ᠤᠨ ᠭᠠᠷ᠂ ᠬᠥᠯ᠂ ᠬᠠᠷᠠᠭᠠ᠂ ᠤᠬᠠᠭᠠᠨ ᠢ ᠬᠢᠵᠠᠭᠠᠷ ᠦᠭᠡᠢ | ᠲᠡᠯᠡᠭᠰᠡᠨ ᠡᠷᠳᠡᠨᠢᠲᠦ ᠠᠮᠢᠲᠠᠨ ᠪᠢᠯᠨ᠃ ᠮᠤᠩᠭᠤᠯ ᠬᠡᠦᠬᠡᠳ ᠤᠳ ᠶᠡᠭᠡ ᠪᠠᠭᠠ ᠠᠴᠠ ᠪᠠᠨ ᠮᠤᠷᠢ ᠤᠨᠤᠵᠤ | ᠮᠤᠷᠢ ᠲᠠᠢ ᠨᠥᠬᠦᠷᠯᠡᠳᠡᠭ᠃ ᠬᠡᠦᠬᠡᠳ ᠮᠤᠷᠢ ᠤᠨᠤᠵᠤ ᠡᠬᠢᠯᠡᠭᠰᠡᠨ ᠠᠴᠠ ᠮᠠᠰᠢ ᠥᠷᠭᠡᠨ ᠣᠷᠤᠨ ᠵᠠᠢ ᠳᠤ | ᠬᠥᠳᠡᠯᠭᠡᠭᠡᠨ ᠬᠢᠵᠦ᠂ ᠣᠯᠠᠨ ᠬᠥᠮᠥᠨ ᠠᠮᠢᠲᠠᠨ ᠲᠠᠢ ᠲᠠᠨᠢᠯᠴᠠᠵᠤ᠂ ᠲᠡᠭᠦᠨ ᠤ ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠨᠢ ᠲᠣᠩ | ᠣᠬᠤᠷᠬᠠᠨ ᠬᠤᠭᠤᠴᠠᠭᠠᠨ ᠳᠤ ᠮᠠᠰᠢ ᠲᠦᠷᠭᠡᠨ ᠨᠡᠮᠡᠭᠳᠡᠳᠡᠭ ᠪᠠᠶᠢᠨᠠ᠃ ᠮᠣᠷᠢ ᠶᠢ ᠡᠷᠬᠡᠰᠢᠶᠡᠬᠦ ᠠᠴᠠ ᠡᠬᠢᠯᠡᠭᠡᠳ | ᠵᠦᠭ ᠴᠢᠭ᠂ ᠶᠠᠩᠵᠤ ᠪᠦᠷᠢ ᠶᠢᠨ ᠭᠠᠵᠠᠷ ᠤᠨ ᠪᠠᠶᠢᠴᠠ᠂ ᠭᠡᠷᠡᠯ ︵ᠬᠠᠷᠠᠩᠭᠤᠢ ᠪᠠᠷ ᠠᠶᠠᠯᠠᠬᠤ︶᠂ ᠴᠠᠭ ᠠᠭᠠᠷ ᠤᠨ | ᠨᠥᠬᠦᠴᠡᠯ ᠳᠤ ᠵᠤᠬᠢᠴᠠᠬᠤ ᠶᠠᠪᠤᠴᠠ ᠳᠤ ᠪᠡᠶᠡ ᠮᠠᠬᠠᠪᠤᠳ ᠨᠢ ᠴᠢᠭᠢᠷᠠᠭᠵᠢᠬᠤ ᠶᠢᠨ ᠳᠠᠭᠠᠤ ᠣᠯᠠᠨ ᠲᠠᠯᠠ ᠶᠢᠨ | ᠮᠡᠳᠡᠷᠡᠮᠵᠢ ᠨᠢ ᠭᠤᠶᠢᠳᠠ ᠬᠥᠭᠵᠢᠳᠡᠭ᠃ ᠪᠡᠶᠡ ᠪᠢᠯᠳᠠᠷ ᠤᠨ ᠬᠥᠮᠥᠵᠢᠯ᠂ ᠶᠣᠰᠣ ᠰᠤᠷᠲᠠᠬᠤᠨ ᠤ ᠬᠥᠮᠥᠵᠢᠯ ᠪᠣᠯᠣᠨ | ᠣᠶᠤᠨ ᠤᠬᠠᠭᠠᠨ ᠤ ᠬᠥᠮᠥᠵᠢᠯ ᠪᠣᠯ ᠬᠡᠦᠬᠡᠳ ᠤᠨ ᠬᠥᠮᠥᠵᠢᠯ ᠤᠨ ᠲᠤᠯᠭᠠ ᠶᠢᠨ ᠭᠤᠷᠪᠠᠨ ᠴᠢᠯᠠᠭᠤ ᠭᠡᠵᠤ ᠦᠵᠡᠮᠡᠷ | ᠪᠠᠶᠢᠨᠠ᠃ ᠡᠭᠦᠨ ᠳᠤ ᠪᠡᠶᠡ ᠪᠢᠯᠳᠠᠷ ᠤᠨ ᠬᠥᠮᠥᠵᠢᠯ ᠪᠣᠯ ᠬᠡᠦᠬᠡᠳ ᠤᠨ ᠬᠥᠮᠥᠵᠢᠯ ᠤᠨ ᠰᠠᠭᠤᠷᠢ ᠪᠠᠶᠢᠬᠤ ᠶᠣᠰᠣᠲᠠᠢ | ᠃ ᠨᠢᠭᠡ ᠦᠶᠡ ᠣᠶᠤᠨ ᠤᠬᠠᠭᠠᠨ ᠤ ᠬᠥᠮᠥᠵᠢᠯ ᠢ ᠬᠡᠲᠦ ᠴᠢᠬᠤᠯᠠᠴᠢᠯᠠᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠰᠡᠭᠦᠯ ᠤᠨ | ᠦᠶᠡ ᠳᠤ ᠶᠣᠰᠣ ᠰᠤᠷᠲᠠᠬᠤᠨ ᠤ ᠬᠥᠮᠥᠵᠢᠯ ᠢ ᠲᠡᠷᠢᠭᠦᠨ ᠪᠠᠶᠢᠷᠢᠨ ᠳᠤ ᠲᠠᠯᠪᠢᠬᠤ ᠪᠣᠯᠵᠠᠢ᠃ ᠭᠡᠬᠦ ᠳᠤ ᠪᠠᠨ ᠵᠠᠯᠠᠭᠤ | ᠪᠠᠭᠠᠴᠣᠳ ᠤᠨ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠪᠠᠶᠢᠳᠠᠯ ᠰᠡᠳᠬᠢᠯ ᠡᠮᠵᠡᠭᠯᠡᠭᠦᠯᠵᠦ ᠡᠬᠢᠯᠡᠪᠡ᠃ ᠬᠡᠷᠪᠡ ᠨᠢᠭᠤᠷ ᠲᠤ ᠪᠠᠨ | ᠭᠠᠯ ᠲᠠᠢ᠂ ᠨᠢᠳᠦᠨ ᠳᠤ ᠪᠠᠨ ᠴᠤᠭ ᠲᠠᠢ᠂ ᠪᠣᠯᠴᠢᠩ ᠰᠢᠷᠪᠦᠰᠦ ᠨᠢ ᠵᠠᠩᠭᠢᠷᠠᠭᠰᠠᠨ ᠪᠡᠶᠡ ᠮᠠᠬᠠᠪᠤᠳ ᠪᠠᠶᠢᠬᠤ ᠦᠭᠡᠢ | ᠪᠣᠯ ᠶᠠᠮᠠᠷ ᠡᠷᠬᠢᠮ ᠳᠡᠭᠡᠳᠦ ᠶᠣᠰᠣ ᠰᠤᠷᠲᠠᠬᠤᠨ᠂ ᠬᠡᠲᠦ᠋ᠢᠳᠦᠭᠰᠡᠨ ᠡᠷᠳᠡᠮ ᠮᠡᠳᠡᠯᠭᠡ ᠲᠠᠢ ᠪᠠᠶᠢᠯᠠ ᠴᠦ ᠭᠡᠰᠡᠨ | ᠪᠡᠶᠡ ᠨᠢ ᠰᠠᠨᠠᠭᠠ ᠪᠠᠨ ᠲᠤᠱᠠᠭᠠᠳ ᠬᠤᠯᠨ ᠳᠥᠬᠦᠳᠡᠭ ᠦᠭᠡᠢ ᠶᠤᠮ᠃ ᠲᠡᠭᠡᠬᠦᠯᠡᠷ ᠶᠠᠭᠤᠨ ᠤ ᠡᠮᠦᠨᠡ ᠬᠡᠦᠬᠡᠳ ᠢ | ᠡᠷᠡᠭᠦᠯ ᠰᠠᠷᠠᠭᠤᠯ ᠥᠰᠬᠡᠬᠦ ᠨᠢ ᠲᠡᠷᠢᠭᠦᠨ ᠴᠢᠬᠤᠯᠨ ᠪᠢᠯᠨ᠃ ᠭᠡᠬᠦ ᠳᠤ ᠪᠠᠨ ᠡᠯᠡ ᠵᠦᠢᠯ ᠤᠨ ᠬᠦᠮᠥᠵᠢᠯ ᠨᠢ | ᠰᠠᠯᠤᠩᠬᠢᠲᠠ ᠶᠠᠪᠤᠭᠳᠠᠳᠠᠭ ᠦᠭᠡᠢ᠃ ᠵᠢᠱᠢᠶᠡᠯᠡᠪᠡᠯ᠄ ᠴᠠᠬᠢᠯᠳᠠᠭ ᠲᠡᠭᠦᠵᠦ ᠲᠠᠰᠢᠭᠤᠷ ᠭᠥᠷᠥᠬᠦ ᠪᠠᠷ ᠠᠪᠴᠤ | ᠦᠵᠡᠬᠦ ᠳᠤ᠂ ᠪᠡᠶᠡ ᠮᠠᠬᠠᠪᠤᠳ ᠨᠢ ᠴᠢᠭᠢᠷᠠᠭᠵᠢᠬᠤ ᠶᠢᠨ ᠳᠠᠭᠠᠤ ᠤᠬᠠᠭᠠᠨ ᠰᠠᠨᠠᠭᠠ ᠨᠢ ᠴᠦ ᠬᠥᠭᠵᠢᠳᠡᠭ᠃ ᠶᠠᠷᠦᠨᠢ | ᠬᠥᠳᠡᠯᠭᠡᠭᠡᠨ ᠪᠣᠯᠣᠨ ᠤᠬᠠᠭᠠᠨ ᠬᠤᠶᠠᠷ ᠰᠠᠯᠤᠩᠭᠢᠲᠠ ᠪᠢᠰᠢ᠂ ᠬᠠᠷᠢᠨ ᠪᠣᠳᠣᠯᠢᠶᠠᠨᠲᠠᠢ ᠬᠥᠳᠡᠯᠭᠡᠭᠡᠨ ᠨᠢ ᠪᠡᠶᠡ ᠶᠢ | ᠴᠢᠭᠢᠷᠠᠭᠵᠢᠭᠤᠯᠬᠤ ᠮᠥᠷᠲᠡᠭᠡᠨ ᠲᠠᠷᠢᠬᠢᠨ ᠤ ᠬᠥᠭᠵᠢᠯᠲᠡ ᠶᠢ ᠠᠬᠢᠭᠤᠯᠳᠠᠭ᠃ ᠣᠨᠴᠠᠭᠠᠶᠢᠯᠠᠨ ᠶᠣᠰᠣ ᠰᠤᠷᠲᠠᠬᠤᠨ ᠤ | ᠬᠥᠮᠥᠵᠢᠯ ᠢ ᠳᠠᠩᠨᠠᠨ ᠬᠢᠵᠦ ᠪᠣᠯᠳᠠᠭ ᠦᠭᠡᠢ᠃ ᠤᠴᠢᠷ ᠨᠢ ᠬᠡᠦᠬᠡᠳ ᠪᠤᠰᠤᠳ ᠤᠨ ᠬᠡᠯᠡᠵᠦ ᠰᠤᠷᠭᠠᠬᠤ ᠳᠤ | ᠴᠠᠭᠠᠨᠠ ᠠᠴᠠ ᠪᠠᠨ ᠳᠤᠷᠠ ᠦᠭᠡᠢ ᠪᠠᠶᠢᠳᠠᠭ᠃ ᠲᠡᠷᠨ ᠮᠥᠷᠲᠡᠭᠡᠨ ᠳᠠᠩ ᠴᠤᠯᠭᠤᠢ ᠦᠭᠡᠯᠡᠵᠦ ᠶᠠᠩᠰᠢᠬᠤ | ᠮᠠᠶ᠋ᠢᠭ ᠤᠨ ᠬᠥᠮᠥᠵᠢᠯ ᠤᠨ ᠠᠷᠭᠠ ᠨᠢ ᠭᠡᠳᠡᠷᠭᠦ ᠪᠠᠨ ᠡᠰᠡᠷᠭᠦ ᠦᠢᠯᠡᠳᠦᠯ ᠭᠠᠷᠭᠠᠬᠤ ᠳᠤ ᠬᠦᠷᠳᠡᠭ᠃ ᠬᠠᠷᠢᠨ | ᠲᠡᠭᠦᠨ ᠳᠤ ᠵᠢᠭᠠᠵᠤ ᠪᠠᠶᠢᠨᠠ ᠭᠡᠵᠤ ᠮᠡᠳᠡᠭᠳᠡᠬᠦ ᠦᠭᠡᠢ ᠪᠠᠷ ᠰᠤᠷᠭᠠᠬᠤ ᠪᠣᠯ ᠬᠠᠮᠤᠭ ᠤᠨ ᠰᠠᠶᠢᠨ ᠰᠤᠷᠭᠠᠯᠲᠠ ᠶᠢᠨ | ᠠᠷᠭᠠ ᠪᠣᠯᠣᠨᠠ᠃ ᠮᠣᠩᠭᠤᠯ ᠠᠷᠠᠳ ᠤᠨ ᠬᠥᠮᠥᠵᠢᠯ ᠳᠤ ᠰᠢᠳᠦᠯᠭᠡ ᠪᠢᠰᠢᠷᠡᠯ ᠴᠢᠬᠤᠯᠨ ᠦᠢᠯᠡᠳᠦᠯ ᠭᠠᠷᠭᠠᠳᠠᠭ᠃ | ᠡᠭᠦᠨ ᠳᠤ ᠣᠨᠴᠠᠭᠠᠶᠢᠯᠠᠨ ᠳᠤᠷᠠᠳᠤᠭᠤᠰᠢᠲᠠᠢ ᠨᠢ᠂ ︽ᠮᠠᠭᠤ ᠢᠷᠸᠠ︾ ᠶᠢᠨ ᠲᠤᠬᠠᠢ ᠣᠶᠢᠯᠠᠭᠠᠯᠲᠠ ᠪᠣᠯᠬᠤ ᠶᠤᠮ᠃ | ᠬᠡᠦᠬᠡᠳ ᠠᠬᠠᠮᠠᠳ ᠨᠠᠰᠤᠲᠠᠨ ᠢᠶᠠᠨ ᠬᠦᠨᠳᠦᠯᠡᠬᠦ ᠦᠭᠡᠢ᠂ ᠴᠢᠭ ᠢᠶᠠᠷ ᠢᠶᠠᠨ ᠪᠠᠶᠢᠭᠠ ᠠᠮᠢᠲᠠᠨ ᠤ ᠠᠮᠢ ᠶᠢ | ᠬᠥᠨᠥᠭᠡᠬᠦ᠂ ᠮᠠᠯ ᠠᠳᠤᠭᠤᠰᠤ ᠶᠢ ᠵᠤᠪᠠᠭᠠᠬᠤ᠂ ᠣᠪᠤᠭᠠ ᠪᠤᠯᠠᠭ ᠤᠨ ᠮᠣᠳᠣ ᠴᠢᠯᠠᠭᠤ ᠶᠢ ᠬᠥᠳᠡᠯᠭᠡᠬᠦ᠂ ᠬᠥᠮᠥᠨ ᠢ | ᠬᠠᠷᠢᠶᠠᠬᠤ ᠮᠡᠲᠦ ᠶᠢᠨ ᠨᠠᠵᠠᠭᠠᠢ ᠦᠢᠯᠡᠳᠦᠯ ᠬᠢᠬᠦ ᠦᠶᠡᠰ ︽ᠮᠠᠭᠤ ᠢᠷᠸᠠ︾ ᠪᠣᠯᠣᠨᠠ ᠭᠡᠵᠤ ᠬᠤᠷᠢᠭᠯᠠᠳᠠᠭ᠃ | ᠬᠡᠦᠬᠡᠳ ᠦᠨᠡᠬᠡᠷ ︽ᠮᠠᠭᠤ ᠢᠷᠸᠠ︾ ᠠᠴᠠ ᠠᠶᠤᠵᠤ᠂ ᠶᠣᠰᠤ ᠦᠭᠡᠢ ᠶᠠᠪᠤᠳᠠᠯ ᠭᠠᠷᠭᠠᠬᠤ ᠠᠴᠠ ᠬᠢᠴᠢᠶᠡᠵᠦ᠂ | ᠶᠠᠪᠤᠭᠠᠨ ᠳᠤ ᠤᠬᠠᠮᠰᠠᠷ ᠠᠴᠠ ᠪᠠᠨ ᠨᠡᠶᠢᠭᠡᠮ ᠤᠨ ᠬᠡᠪ ᠳᠦᠷᠢᠮ ᠢ ᠰᠠᠬᠢᠳᠠᠭ ᠢᠷᠭᠡᠨ ᠪᠤᠯᠵᠤ ᠬᠥᠮᠥᠵᠢᠭᠳᠡᠳᠡᠭ | ᠪᠠᠶᠢᠨᠠ᠃ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠪᠣᠯᠣᠨ ᠬᠥᠳᠡᠯᠮᠦᠷᠢ ᠪᠣᠯ ᠬᠡᠦᠬᠡᠳ ᠤᠨ ᠬᠥᠭᠵᠢᠯᠲᠡ ᠶᠢ ᠠᠬᠢᠭᠤᠯᠬᠤ | ᠬᠠᠮᠤᠭ ᠤᠨ ᠦᠨᠳᠦᠰᠦᠨ ᠠᠷᠭᠠ ᠬᠡᠷᠡᠭᠯᠡᠭᠦᠷ ᠪᠣᠯᠣᠨᠠ᠃ ᠶᠠᠷᠦᠨᠢ ᠪᠡᠶᠡ ᠪᠢᠯᠳᠠᠷ᠂ ᠶᠣᠰᠣ ᠰᠤᠷᠲᠠᠬᠤᠨ᠂ ᠣᠶᠤᠨ | ᠤᠬᠠᠭᠠᠨ ᠪᠤᠯᠣᠨ ᠭᠤᠸᠠ ᠰᠠᠶᠢᠬᠠᠨ ᠤ ᠬᠥᠮᠥᠵᠢᠯ ᠨᠢ ᠴᠦ ᠲᠣᠭᠯᠠᠭᠠᠮ ᠪᠣᠯᠣᠨ ᠬᠥᠳᠡᠯᠮᠥᠷᠢ ᠶᠢᠨ ᠶᠠᠪᠤᠴᠠ ᠳᠤ | ᠠᠶᠠᠨᠳᠠᠭᠠᠨ ᠶᠠᠪᠤᠭᠳᠠᠳᠠᠭ᠃ ᠲᠣᠭᠯᠠᠭᠠᠮ ᠨᠠᠭᠠᠳᠤᠮ ᠪᠣᠯ ᠬᠡᠦᠬᠡᠳ ᠢ ᠪᠠᠭᠲᠠᠭᠠᠭᠰᠠᠨ ᠣᠯᠠᠩᠬᠢ ᠨᠢᠯᠬᠠ ᠠᠮᠢᠲᠠᠨ ᠤ | ᠬᠤᠵᠢᠮ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠠᠮᠢᠳᠤᠷᠠᠬᠤ ᠤᠷᠠ ᠴᠢᠳᠠᠪᠤᠷᠢ ᠪᠠᠨ ᠣᠯᠵᠤ ᠠᠪᠬᠤ ᠦᠨᠳᠦᠰᠦᠨ ᠳᠠᠰᠬᠠᠯ ᠪᠢᠯᠨ᠃ | ᠵᠢᠱᠢᠶᠡᠯᠡᠪᠡᠯ᠄ ᠠᠷᠢᠶᠠᠲᠠᠨ ᠤ ᠵᠤᠯᠵᠠᠭᠠ ᠠᠩᠨᠠᠬᠤ ᠮᠡᠷᠭᠡᠵᠢᠯ ᠢ ᠲᠤᠭᠯᠠᠭᠠᠮ ᠤᠨ ᠳᠤᠮᠳᠠ ᠡᠵᠡᠮᠰᠢᠳᠡᠭ ᠪᠣᠯ | ᠭᠥᠷᠥᠭᠡᠰᠦᠨ ᠤ ᠵᠤᠯᠵᠠᠭᠠ ᠠᠷᠢᠶᠠᠲᠠᠨ ᠠᠴᠠ ᠪᠡᠶᠡ ᠪᠠᠨ ᠬᠠᠮᠠᠭᠠᠯᠠᠬᠤ ᠴᠢᠳᠠᠪᠤᠷᠢ ᠶᠢ ᠮᠥᠨ ᠲᠤᠭᠯᠠᠭᠠᠮ ᠤᠨ ᠳᠤᠮᠳᠠ | ᠡᠵᠡᠮᠰᠢᠵᠦ ᠠᠪᠳᠠᠭ᠃ ᠲᠡᠭᠦᠨᠴᠢᠯᠡᠨ ᠬᠡᠦᠬᠡᠳ ᠴᠦ ᠭᠡᠰᠡᠨ ᠠᠳᠠᠯᠢᠬᠠᠨ ᠨᠡᠶᠢᠭᠡᠮ ᠳᠡᠭᠡᠷᠡ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ | ᠤᠷᠠ ᠴᠢᠳᠠᠪᠤᠷᠢ ᠪᠠᠨ ᠲᠤᠭᠯᠠᠭᠠᠮ ᠪᠣᠯᠣᠨ ᠬᠥᠳᠡᠯᠮᠦᠷᠢ ᠶᠢᠨ ᠳᠤᠮᠳᠠ ᠪᠦᠷᠢᠯᠳᠦᠭᠦᠯᠵᠦ ᠠᠪᠳᠠᠭ ᠶᠤᠮ᠃ ᠬᠡᠦᠬᠡᠳ | ᠨᠢᠭᠡᠪᠦᠷᠢ ᠮᠠᠰᠢ ᠭᠠᠷᠮᠠᠭᠠᠢ ᠵᠥᠴᠥᠭᠡᠴᠢᠨ ᠪᠠᠶᠢᠳᠠᠭ᠃ ᠬᠤᠲᠠ ᠠᠶᠢᠯ ᠤᠨ ᠬᠡᠦᠬᠡᠳ ᠤᠳ ᠠᠯᠢ ᠳᠤᠷᠠ ᠲᠠᠢ | ᠴᠠᠭ ᠲᠤ ᠪᠠᠨ ᠪᠥᠭᠡᠮᠨᠡᠷᠡᠵᠦ ︽ᠵᠥᠴᠥᠭᠡ ᠶᠢᠨ ᠳᠡᠪᠲᠡᠷ︾ ᠢᠶᠠᠨ ᠬᠡᠨ ᠨᠢᠭᠡ ᠨᠢ ᠪᠠᠷᠢᠨ ᠨᠠᠶᠢᠷᠠᠭᠤᠯᠵᠤ᠂ | ᠲᠡᠭᠦᠨ ᠳᠤ ᠪᠠᠨ ᠨᠡᠶᠢᠭᠡᠮ ᠤᠨ ᠦᠨᠳᠦᠰᠦᠨ ᠬᠠᠷᠢᠯᠴᠠᠭᠠ ᠶᠢ ᠴᠣᠮᠬᠠᠳᠬᠠᠨ ᠳᠤᠰᠬᠠᠳᠠᠭ᠃ ᠲᠡᠭᠡᠭᠡᠳ ᠬᠥᠮᠥᠨ | ᠪᠦᠷᠢ ᠥᠪᠡᠷ ᠥᠪᠡᠷ ᠤᠨ ᠳᠦᠷᠢ ᠳᠤ ᠪᠠᠨ ᠮᠠᠰᠢ ᠣᠨᠣᠪᠴᠢᠲᠠᠢ ᠤᠷᠤᠵᠤ ᠴᠢᠳᠠᠳᠠᠭ᠃ ︽ᠵᠥᠴᠥᠭᠡᠯᠡᠬᠦ︾ | ᠶᠠᠪᠤᠴᠠ ᠳᠤ ᠬᠡᠦᠬᠡᠳ ᠤᠳ ᠤᠨ ᠬᠡᠯᠨ ᠶᠠᠷᠢᠶᠠᠨ ᠤ ᠰᠤᠶᠤᠯ᠂ ᠨᠡᠶᠢᠭᠡᠮ ᠤᠨ ᠬᠠᠷᠢᠯᠴᠠᠭᠠ ᠪᠤᠯᠤᠨ ᠶᠤᠰᠤ | ᠰᠤᠷᠲᠠᠬᠤᠨ ᠤ ᠬᠡᠮ ᠬᠡᠮᠵᠢᠶᠡ ᠠᠶᠠᠨᠳᠠᠭᠠᠨ ᠲᠥᠯᠥᠪᠰᠢᠳᠡᠭ ᠪᠠᠶᠢᠨᠠ᠃ ᠡᠨᠡ ᠨᠢ ᠬᠡᠦᠬᠡᠳ ᠬᠡᠦᠬᠡᠳ ᠢᠶᠠᠨ ᠢᠯᠡᠭᠦᠦ | ᠣᠶᠢᠯᠠᠭᠠᠳᠠᠭ ᠮᠥᠷᠲᠡᠭᠡᠨ ᠪᠡᠶᠡ ᠪᠡᠶᠡ ᠪᠠᠨ ᠠᠮᠠᠷᠬᠠᠨ ᠨᠥᠯᠥᠭᠡᠯᠡᠳᠡᠭ ᠠᠴᠠ ᠪᠣᠯᠵᠤ ᠪᠠᠶᠢᠨᠠ᠃ ᠬᠡᠦᠬᠡᠳ ᠤᠨ | ᠲᠤᠭᠯᠠᠭᠠᠮ ᠳᠤ ᠭᠡᠷ ᠪᠦᠯᠢ ᠶᠢᠨ ᠬᠠᠷᠢᠯᠴᠠᠭᠠ᠂ ᠨᠠᠶᠢᠵᠠ ᠨᠥᠬᠦᠳ ᠤᠨ ᠬᠠᠷᠢᠯᠴᠠᠭᠠ᠂ ᠨᠡᠶᠢᠭᠡᠮ ᠤᠨ ᠠᠵᠢᠯ | ᠲᠥᠷᠥᠯ᠂ ᠠᠵᠤ ᠠᠬᠤᠢ ᠶᠢᠨ ᠦᠢᠯᠡᠳᠪᠦᠷᠢᠯᠡᠯ᠂ ᠵᠠᠩ ᠦᠢᠯᠨ ᠭᠡᠬᠦᠴᠢᠯᠡᠨ ᠨᠡᠶᠢᠭᠡᠮ ᠤᠨ ᠥᠷᠭᠡᠨ ᠴᠠᠷᠠᠭᠠ | ᠬᠦᠷᠢᠶᠡ ᠶᠢ ᠪᠠᠭᠳᠠᠭᠠᠳᠠᠬ᠃ ︽ᠵᠥᠴᠦᠭᠡᠯᠡᠵᠦ︾ ᠲᠤᠭᠯᠠᠬᠤ ᠠᠴᠠ ᠭᠠᠳᠠᠨᠠ ᠬᠡᠦᠬᠡᠳ ᠤᠳ ᠪᠤᠭᠤ᠂ ᠰᠢᠲᠠᠷᠠ | ᠮᠡᠲᠦ ᠶᠢᠨ ᠬᠥᠯᠭᠡᠲᠦ ᠲᠤᠭᠯᠠᠭᠠᠮ ᠢᠶᠠᠷ ᠤᠢ ᠪᠢᠯᠢᠭ ᠢᠶᠠᠨ ᠬᠤᠷᠴᠠᠯᠠᠵᠤ᠂ ᠱᠠᠭᠠ ᠨᠠᠭᠠᠳᠴᠤ ᠬᠥᠳᠡᠯᠭᠡᠭᠡᠨ ᠤ | ᠡᠪᠰᠢᠯ ᠢᠶᠠᠨ ᠰᠠᠶᠢᠵᠢᠷᠠᠭᠤᠯᠳᠠᠭ᠃ ᠵᠥᠪᠬᠡᠨ ᠱᠠᠭᠠ ᠲᠤᠭᠯᠠᠭᠠᠮ ᠢᠶᠠᠷ ᠠᠪᠴᠤ ᠦᠵᠡᠬᠦ ᠳᠤ ᠲᠤᠭᠯᠠᠬᠤ ᠲᠥᠷᠥᠯ | ᠵᠦᠢᠯ ᠨᠢ ᠣᠯᠠᠨ ᠪᠠᠶᠢᠳᠠᠭ ᠪᠥᠭᠡᠳ ᠦᠢᠯᠡᠳᠦᠯ ᠨᠢ ᠴᠦ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ ᠱᠠᠭᠠ | ᠨᠠᠭᠠᠳᠬᠤ ᠳᠤ ᠡᠬᠢᠯᠡᠬᠦ ᠡᠷᠬᠡ ᠶᠢ ᠣᠯᠬᠤ ᠳᠤ ᠤᠷᠢᠳᠠᠪᠠᠷ ᠨᠠᠰᠤ ᠪᠠᠷ ᠬᠠᠮᠤᠭ ᠤᠨ ᠠᠬᠠᠮᠠᠳ ᠨᠢ ᠡᠬᠢᠯᠡᠵᠦ | ᠪᠦᠩᠵᠦᠭ ︵ᠬᠤᠶᠠᠷ ᠱᠠᠭᠠ ᠡᠭᠡᠯᠵᠢᠯᠡᠨ ᠣᠷᠬᠢᠭᠠᠳ ᠬᠡᠨ ᠤ ᠬᠢᠨᠢ ᠢᠵᠢᠯ ᠪᠠᠭᠤᠪᠠᠯ ᠲᠡᠷᠨ ᠬᠥᠮᠥᠨ ᠡᠬᠢᠯᠡᠬᠦ | ᠡᠷᠬᠡ ᠶᠢ ᠣᠯᠳᠠᠭ ︶ ᠤᠷᠬᠢᠳᠠᠭ᠂ ᠡᠨᠡ ᠨᠢ ᠨᠠᠰᠤᠲᠠᠨ ᠢᠶᠠᠨ ᠬᠥᠨᠳᠦᠯᠡᠬᠦ ᠰᠠᠶᠢᠬᠠᠨ ᠬᠥᠮᠥᠵᠢᠯ ᠪᠤᠯᠳᠠᠭ᠃ ᠱᠠᠭᠠ | ᠨᠠᠭᠠᠳᠬᠤ ᠳᠤ ᠲᠤᠰ ᠲᠤᠰ ᠤᠨ ᠨᠠᠷᠢᠨ ᠳᠦᠷᠢᠮ ᠪᠠᠶᠢᠳᠠᠭ᠃ ᠵᠢᠷᠠᠨ ᠱᠠᠭᠠ ᠣᠷᠬᠢᠭᠠᠳ ᠵᠢᠷᠭᠤᠭᠠᠨ ᠱᠠᠭᠠ | ᠠᠪᠬᠤ ᠠᠴᠠ ᠡᠮᠦᠨᠡ ᠡᠪᠳᠡᠷᠡᠪᠡᠯ ᠪᠦᠲᠦᠨ ᠢᠶᠠᠷ ᠨᠢ ᠳᠠᠷᠠᠭᠠ ᠶᠢᠨ ᠬᠥᠮᠥᠨ ᠳᠤ ᠰᠢᠯᠵᠢᠭᠦᠯᠳᠡᠭ᠃ ᠬᠠᠷᠪᠤᠭᠰᠠᠨ | ᠭᠠᠷ ᠢᠶᠠᠷ ᠱᠠᠭᠠ ᠠᠪᠬᠤ ᠦᠭᠡᠢ᠃ ᠱᠠᠭᠠ ᠲᠠᠢ ᠭᠠᠷ ᠢᠶᠠᠷ ᠱᠠᠭᠠ ᠠᠪᠬᠤ ᠦᠭᠡᠢ᠃ ᠭᠦᠯᠢᠮ ᠵᠠᠩᠭᠠᠵᠤ ᠪᠤᠯᠳᠠᠭ | ᠦᠭᠡᠢ᠃ ᠬᠠᠷᠪᠤᠬᠤ ᠭᠡᠰᠡᠨ ᠱᠠᠭᠠ ᠪᠠᠨ ᠵᠠᠩᠭᠠᠵᠤ ᠪᠤᠯᠳᠠᠭ ᠦᠭᠡᠢ ᠭᠡᠬᠦᠴᠢᠯᠡᠨ ᠮᠠᠰᠢ ᠴᠢᠩᠭᠠ ᠶᠣᠰᠣ ᠳᠢᠭᠯᠢᠮ ᠲᠠᠢ | ᠪᠠᠶᠢᠳᠠᠭ ᠨᠢ ᠵᠠᠯᠠᠭᠤ ᠪᠠᠭᠠᠴᠣᠳ ᠲᠤ ᠳᠦᠷᠢᠮ ᠭᠤᠷᠢᠮ ᠤᠨ ᠤᠬᠠᠮᠰᠠᠷ ᠢ ᠬᠦᠮᠦᠵᠢᠭᠦᠯᠬᠦ ᠳᠤ ᠲᠦᠢᠯ ᠤᠨ ᠠᠰᠢᠭᠲᠠᠢ | ᠪᠠᠶᠢᠳᠠᠭ᠃ ᠱᠠᠭᠠ ᠨᠠᠭᠠᠳᠬᠤ ᠳᠤ ︽ᠳᠤᠯᠤᠭᠠᠨ ᠳᠤᠭᠤᠢ ᠣᠷᠬᠢᠬᠤ︾ ᠭᠡᠵᠤ ᠪᠠᠶᠢᠳᠠᠭ ᠨᠢ ᠱᠠᠭᠠ ᠨᠢᠰᠠᠯᠵᠤ | ᠪᠠᠶᠢᠬᠤ ᠡᠭᠡᠯᠵᠢᠨ ᠳᠤ ᠪᠠᠨ ᠳᠠᠭᠤ ᠭᠠᠷᠴᠤ ᠪᠤᠯᠳᠠᠭ ᠦᠭᠡᠢ᠂ ᠡᠨᠡ ᠨᠢ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ ᠶᠢ ᠬᠥᠮᠥᠵᠢᠭᠦᠯᠬᠦ | ᠰᠠᠶᠢᠨ ᠠᠷᠭᠠ ᠪᠢᠯᠨ᠃ ᠱᠠᠭᠠ ᠨᠢᠰᠠᠯᠬᠤ᠂ ᠬᠠᠯᠵᠠ ᠬᠠᠷᠪᠤᠬᠤ᠂ ᠤᠨᠳᠤᠭᠠ ᠠᠪᠬᠤ ᠵᠡᠷᠭᠡ ᠨᠢ ᠬᠡᠳᠦᠨ ᠵᠦᠢᠯ ᠤᠨ | ᠦᠢᠯᠨ ᠶᠢ ᠬᠤᠷᠴᠠ ᠱᠠᠯᠠᠮᠠᠭ ᠵᠤᠬᠢᠴᠠᠭᠤᠯᠬᠤ ᠶᠢ ᠱᠠᠭᠠᠷᠳᠠᠳᠠᠭ᠃ ︽ᠮᠠᠯ ᠦᠨᠡᠯᠡᠬᠦ︾ ᠭᠡᠳᠡᠭ ᠨᠠᠭᠠᠳᠤᠮ ᠨᠢ | ᠲᠤᠭᠠᠨ ᠤ ᠤᠬᠠᠭᠠᠨ ᠤ ᠴᠡᠭᠡᠵᠢ ᠪᠣᠳᠣᠯᠭᠠ ᠶᠢ ᠴᠠᠭᠠᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠠᠢ ᠪᠥᠭᠡᠳ ᠮᠥᠨ ᠴᠦ ᠠᠬᠤᠢ | ᠠᠮᠢᠳᠤᠷᠠᠯ ᠳᠤ ᠮᠠᠯ ᠠᠷᠠᠯᠵᠢᠶᠠᠯᠠᠬᠤ ᠤᠬᠠᠭᠠᠨ ᠤ ᠠᠩᠬᠠᠨ ᠤ ᠰᠠᠭᠤᠷᠢ ᠶᠢ ᠲᠠᠯᠪᠢᠵᠤ ᠪᠠᠶᠢᠭᠠ ᠶᠠᠪᠤᠳᠠᠯ ᠮᠥᠨ᠃ | ᠤᠷᠢᠨ ᠳᠤᠯᠠᠭᠠᠨ ᠴᠠᠭ ᠤᠨ ᠲᠤᠭᠯᠠᠭᠠᠮ ᠨᠠᠭᠠᠳᠤᠮ ᠭᠤᠣᠯᠳᠠᠭᠤ ᠬᠡᠭᠡᠷᠡ ᠭᠠᠳᠠᠨᠠ ᠶᠠᠪᠤᠭᠳᠠᠳᠠᠭ᠃ ᠪᠢᠳᠡᠨ ᠤ | ᠰᠠᠶᠢᠨ ᠮᠡᠳᠡᠳᠡᠭ ᠪᠥᠬᠡ ᠪᠠᠷᠢᠯᠳᠤᠬᠤ᠂ ᠠᠯᠴᠢᠭᠤᠷ ᠬᠠᠶᠠᠬᠤ ᠠᠴᠠ ᠭᠠᠳᠠᠨᠠ ︽ᠲᠠᠷᠪᠠᠭᠠᠴᠠᠭᠠᠬᠤ︾᠂ ︽ | ᠠᠳᠤᠭᠤᠴᠠᠭᠠᠬᠤ︾᠂ ︽ᠲᠡᠮᠡᠭᠡᠴᠡᠭᠡᠬᠦ︾ ᠭᠡᠳ ᠶᠡᠭᠡ ᠣᠯᠠᠨ ᠶᠠᠩᠵᠤ ᠶᠢᠨ ᠨᠠᠭᠠᠳᠤᠮ ᠪᠠᠶᠢᠳᠠᠭ᠃ ᠲᠡᠷᠨ ᠨᠢ ᠶᠡᠭᠡ | ᠪᠠᠶᠢᠭᠠᠯᠢ ᠶᠢᠨ ᠨᠡᠷᠨ ᠰᠠᠯᠬᠢᠨ᠂ ᠬᠥᠷᠥᠰᠥ ᠰᠢᠷᠤᠢ ᠠᠴᠠ ᠡᠷᠴᠢ ᠰᠢᠮᠡ ᠠᠪᠴᠤ ᠪᠡᠶᠡ ᠮᠠᠬᠠᠪᠤᠳ ᠢᠶᠠᠨ | ᠴᠢᠭᠢᠷᠠᠭᠵᠢᠭᠤᠯᠬᠤ ᠬᠠᠮᠤᠭ ᠤᠨ ᠰᠠᠶᠢᠨ ᠠᠷᠭᠠ ᠪᠤᠯᠳᠠᠭ᠃ ᠮᠤᠩᠭᠤᠯ ᠠᠷᠠᠳ ᠤᠨ ᠬᠥᠳᠡᠯᠮᠦᠷᠢ ᠶᠢᠨ ᠬᠥᠮᠥᠵᠢᠯ ᠨᠢ | ᠮᠥᠨ ᠴᠦ ᠡᠷᠲᠡ ᠡᠬᠢᠯᠡᠳᠡᠭ᠃ ᠭᠡᠬᠦ ᠳᠤ ᠪᠠᠨ ᠬᠡᠦᠬᠡᠳ ᠢ ᠠᠯᠪᠠᠳᠠᠵᠤ ᠬᠥᠳᠡᠯᠮᠦᠷᠢᠯᠡᠭᠦᠯᠳᠡᠭ ᠦᠭᠡᠢ᠃ ᠬᠠᠷᠢᠨ | ᠬᠡᠦᠬᠡᠳ ᠤᠨ ᠳᠠᠭᠤᠷᠢᠶᠠᠮᠠᠳᠠᠭᠠᠢ ᠵᠠᠩ ᠢ ᠠᠰᠢᠭᠯᠠᠨ ᠲᠣᠭᠯᠠᠭᠠᠮ ᠲᠠᠢ ᠬᠤᠤᠰᠯᠠᠭᠤᠯᠵᠤ ᠢᠳᠡᠭ ᠢᠳᠡᠭ ᠢᠶᠠᠷ | ᠬᠥᠳᠡᠯᠮᠦᠷᠢ ᠳᠤ ᠳᠠᠰᠬᠠᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ ᠬᠡᠦᠬᠡᠳ ᠲᠤ ᠥᠪᠡᠷ ᠲᠤ ᠨᠢ ᠲᠣᠬᠢᠷᠠᠭᠰᠠᠨ ᠬᠥᠳᠡᠯᠮᠦᠷᠢ ᠶᠢᠨ | ᠪᠠᠭᠠᠵᠢ ᠲᠦᠬᠦᠭᠡᠷᠴᠦ ᠥᠭᠭᠦᠨᠡ᠃ ᠬᠦᠦ ᠬᠦᠮᠦᠨ ᠳᠤ ᠪᠢᠴᠢᠬᠠᠨ ᠤᠷᠭᠠ᠂ ᠲᠠᠰᠢᠭᠤᠷ᠂ ᠦᠬᠢᠨ ᠬᠡᠦᠬᠡᠳ ᠲᠤ | ᠪᠣᠯ ᠪᠢᠴᠢᠬᠠᠨ ᠱᠡᠭᠡᠵᠡᠭᠡᠢ᠂ ᠰᠠᠪᠠᠷ ᠮᠡᠲᠦ ᠶᠢ ᠬᠢᠭᠡᠳ ᠥᠭᠴᠢᠬᠡᠪᠡᠯ ᠲᠡᠳᠡ ᠲᠣᠮᠤ ᠬᠥᠮᠥᠨ ᠢ ᠳᠠᠭᠤᠷᠢᠶᠠᠵᠤ | ᠬᠥᠳᠡᠯᠮᠦᠷᠢ ᠬᠢᠵᠦ ᠡᠬᠢᠯᠡᠳᠡᠭ᠃ ᠭᠡᠬᠦ ᠳᠤ ᠪᠠᠨ ᠬᠡᠦᠬᠡᠳ ᠤᠨ ᠬᠥᠳᠡᠯᠮᠦᠷᠢ ᠨᠢ ᠠᠩᠬᠠᠨ ᠤ ᠱᠠᠲᠤᠨ ᠳᠤ ᠪᠠᠨ | ᠭᠤᠣᠯᠳᠠᠭᠤ ᠪᠡᠯᠭᠡᠳᠡᠯ ᠤᠨ ᠰᠢᠨᠵᠢ ᠲᠠᠢ ᠪᠠᠶᠢᠳᠠᠭ᠃ ᠪᠢᠴᠢᠬᠠᠨ ᠰᠠᠭᠤᠯᠠᠭᠠ ᠪᠠᠷᠢᠭᠤᠯᠤᠭᠠᠳ ᠠᠷᠭᠠᠯ ᠠᠪᠤᠭᠠᠳ | ᠢᠷᠡ ᠭᠡᠬᠦ ᠳᠤ ᠭᠠᠭᠴᠠ ᠪᠥᠭᠡᠮ ᠨᠦᠢᠲᠠᠨ ᠠᠷᠭᠠᠯ ᠬᠢᠭᠡᠳ ᠢᠷᠡᠵᠦ ᠮᠠᠭᠠᠳ ᠦᠭᠡᠢ᠃ ᠲᠡᠭᠡᠬᠦ ᠳᠤ ᠬᠡᠦᠬᠡᠳ ᠢ | ᠵᠢᠮᠡᠯᠡᠳᠡᠭ ᠦᠭᠡᠢ᠃ ᠮᠢᠨᠤ ᠬᠦᠦ ᠲᠤᠰᠠ ᠳᠤ ᠣᠷᠤᠵᠤ ᠪᠠᠶᠢᠨᠠ᠂ ᠡᠵᠢ ᠪᠠᠨ ᠭᠦᠷᠦᠭᠦᠯᠦᠯᠡ ︵ᠭᠢᠯᠠᠶᠢᠯᠭᠠᠯᠠ︶ | ᠭᠡᠵᠤ ᠤᠷᠮᠠᠰᠢᠭᠤᠯᠤᠭᠠᠳ ᠳᠠᠬᠢᠨ ᠥᠪᠡᠷ ᠢᠶᠠᠨ ᠶᠠᠪᠤᠵᠤ ᠲᠦᠯᠡᠬᠦ ᠠᠷᠭᠠᠯ ᠢᠶᠠᠨ ᠣᠶᠢᠷᠠᠳᠤᠭᠤᠯᠳᠠᠭ᠃ ᠬᠠᠷᠢᠨ | ᠬᠡᠦᠬᠡᠳ ᠤᠷᠮᠠᠰᠢᠵᠤ ᠡᠵᠢ ᠳᠤ ᠪᠠᠨ ᠲᠤᠰᠠ ᠪᠤᠯᠬᠤ ᠭᠡᠵᠤ ᠤᠤᠯ ᠠᠴᠠ ᠪᠠᠨ ᠢᠯᠡᠭᠦᠦ ᠠᠷᠭᠠᠯ ᠡᠰᠡᠬᠦᠯᠡ ᠬᠠᠭᠤᠷᠠᠢ | ᠠᠷᠭᠠᠯ ᠵᠥᠭᠡᠭᠡᠵᠦ ᠢᠷᠡᠳᠡᠭ ᠪᠤᠯᠣᠨᠠ᠃ ᠨᠢᠭᠡ ᠯᠡ ᠮᠡᠳᠡᠬᠦ ᠳᠤ ᠬᠡᠦᠬᠡᠳ ᠬᠥᠳᠡᠯᠮᠦᠷᠢᠯᠡᠬᠦ ᠳᠤᠷᠠ ᠲᠠᠢ᠂ ᠶᠡᠭᠡ | ᠠᠵᠢᠯᠴᠢ ᠪᠣᠯᠵᠣ ᠬᠤᠪᠢᠷᠠᠳᠠᠭ᠃ ᠬᠡᠷᠪᠡ ᠬᠡᠦᠬᠡᠳ ᠢ ᠳᠡᠩᠳᠡᠭᠦᠦ ᠪᠠᠭᠠ ᠭᠡᠳ ᠠᠵᠢᠯ ᠬᠢᠯᠭᠡᠬᠦ ᠦᠭᠡᠢ ᠵᠥᠭᠡᠷ | ᠰᠠᠭᠤᠯᠭᠠᠭᠠᠳ ᠪᠠᠶᠢᠪᠠᠯ ᠡᠴᠦᠰ ᠲᠤ ᠪᠠᠨ ᠬᠤᠶᠢᠷᠭᠤ ᠵᠠᠯᠬᠠᠭᠤ ᠪᠣᠯᠬᠤ ᠠᠶᠤᠯᠲᠠᠢ ᠪᠠᠶᠢᠳᠠᠭ᠃ | ᠮᠣᠩᠭᠤᠯᠴᠣᠳ ᠬᠡᠦᠬᠡᠳ ᠲᠤ ᠪᠠᠨ ᠠᠮᠢᠳᠤᠷᠠᠬᠤ ᠴᠢᠳᠠᠪᠤᠷᠢ ᠣᠯᠭᠤᠬᠤ ᠠᠷᠭᠠ ᠵᠦᠢ ᠶᠢᠨ ᠪᠣᠯᠪᠠᠰᠤᠷᠠᠩᠭᠤᠢ | ᠲᠤᠭᠲᠠᠯᠴᠠᠭᠠ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ | ᠨᠢᠭᠡ᠂ ᠮᠠᠯ ᠵᠢᠰᠦᠯᠡᠭᠦᠯᠬᠦ ᠪᠣᠯ ᠬᠡᠦᠬᠡᠳ ᠤᠨ ᠣᠯᠠᠨ ᠲᠠᠯᠠ ᠶᠢᠨ ᠴᠢᠳᠠᠪᠤᠷᠢ ᠶᠢ ᠬᠥᠮᠥᠵᠢᠭᠦᠯᠬᠦ ᠦᠨᠳᠦᠰᠦᠨ | ᠠᠷᠭᠠ ᠶᠢᠨ ᠨᠢᠭᠡ ᠪᠣᠯᠣᠨᠠ᠃ ᠮᠠᠯ ᠲᠥᠯᠯᠡᠬᠦ ᠦᠶᠡᠰ ᠬᠡᠦᠬᠡᠳ ᠢᠶᠠᠷ ᠰᠢᠨᠡ ᠲᠥᠯᠯᠡᠭᠰᠡᠨ ᠨᠢᠯᠬᠠ ᠲᠥᠯ ᠪᠣᠯᠣᠨ | ᠡᠬᠡ ᠶᠢ ᠵᠢᠰᠦᠯᠡᠨ ᠲᠣᠭᠲᠠᠭᠠᠵᠤ᠂ ᠳᠠᠷᠠᠭᠠ ᠤᠳᠠᠭᠠ ᠲᠥᠯ ᠢ ᠨᠢ ᠡᠬᠡ ᠳᠤ ᠨᠢ ᠵᠥᠪ ᠣᠨᠣᠭᠠᠵᠤ ᠥᠭᠭᠦ ᠶᠢ | ᠱᠠᠭᠠᠷᠳᠠᠳᠠᠭ᠃ ᠴᠠᠭᠠᠨ ᠢᠰᠢᠭᠡ ᠶᠢ ᠬᠤᠭᠤᠷᠤᠨᠳᠤ ᠨᠢ ᠢᠯᠭᠠᠬᠤ ᠳᠤ ᠮᠠᠰᠢ ᠬᠦᠴᠢᠷ ᠪᠠᠶᠢᠳᠠᠭ᠃ ᠭᠡᠬᠦ ᠳᠤ ᠪᠠᠨ | ᠡᠭᠡᠭᠡ ᠠᠳᠠᠯᠢᠬᠠᠨ ᠬᠤᠶᠠᠷ ᠤᠰᠤᠨ ᠳᠤᠰᠤᠯ ᠪᠠᠶᠢᠳᠠᠭ ᠦᠭᠡᠢ ᠭᠡᠳᠡᠭᠴᠢᠯᠡᠨ ᠢᠬᠢᠷᠡ ᠢᠰᠢᠭᠡ ᠴᠦ ᠭᠡᠰᠡᠨ ᠵᠠᠪᠠᠯ | ᠨᠢᠭᠡ ᠢᠯᠭᠠᠷᠠᠬᠤ ᠰᠢᠨᠵᠢ ᠪᠠᠶᠢᠳᠠᠭ᠃ ᠲᠡᠷᠨ ᠳᠠᠯᠳᠠ ᠨᠢᠭᠤᠴᠠᠭᠠᠢ ᠥᠯᠥ ᠮᠡᠳᠡᠭᠳᠡᠮᠡ ᠢᠯᠭᠠᠷᠠᠬᠤ ᠰᠢᠨᠵᠢ ᠶᠢ | ᠡᠷᠢᠵᠦ ᠭᠠᠷᠭᠠᠬᠤ ᠪᠣᠯ ᠣᠯᠠᠨ ᠲᠠᠯᠠ ᠶᠢᠨ ᠬᠤᠣᠰᠯᠠᠭᠰᠠᠨ ᠴᠢᠳᠠᠪᠤᠷᠢ ᠪᠣᠯᠣᠨ ᠲᠤᠷᠰᠢᠯᠭᠠ ᠶᠢ ᠱᠠᠭᠠᠷᠳᠠᠳᠠᠭ᠃ | ᠨᠠᠭᠠᠳᠤ ᠵᠠᠬᠠ ᠨᠢ ᠥᠩᠬᠡᠨ ᠤ ᠨᠠᠷᠢᠨ ᠢᠯᠭᠠᠭᠠ ᠶᠢ ᠦᠵᠡᠵᠦ ᠭᠠᠷᠬᠤ ᠬᠡᠷᠡᠭᠲᠡᠢ᠃ ᠡᠭᠡᠭᠡ ᠠᠳᠠᠯᠢᠬᠠᠨ ᠴᠠᠭᠠᠨ | ᠪᠤᠯᠪᠠᠴᠤ ᠨᠠᠷᠢᠨ ᠠᠵᠢᠭᠯᠠᠪᠠᠯ ᠴᠠᠭᠠᠨ ᠤ ᠳᠤᠲᠤᠷᠠ ᠪᠠᠨ ᠪᠠᠰᠠ ᠣᠯᠠᠨ ᠬᠤᠪᠢᠯᠪᠤᠷᠢ ᠪᠠᠶᠢᠬᠤ ᠨᠢ ᠳᠠᠮᠵᠢᠭ ᠦᠭᠡᠢ᠃ | ᠥᠩᠭᠡᠨ ᠠᠴᠠ ᠭᠠᠳᠠᠨᠠ ᠬᠡᠯᠪᠡᠷᠢ ᠳᠦᠷᠰᠦ᠂ ᠦᠢᠯᠨ ᠬᠥᠳᠡᠯᠥᠯ᠂ ᠳᠠᠭᠤᠨ ᠠᠪᠢᠶᠠ᠂ ᠠᠭᠠᠰᠢ ᠠᠷᠠᠨᠰᠢᠨ ᠭᠡᠳ | ᠣᠯᠠᠨ ᠥᠨᠴᠦᠭ ᠠᠴᠠ ᠬᠠᠷᠢᠴᠠᠭᠤᠯᠵᠤ ᠦᠵᠡᠪᠡᠯ ᠮᠠᠯ ᠮᠠᠯ ᠤᠨ ᠬᠤᠭᠤᠷᠤᠨᠳᠤ ᠪᠠᠨ ᠢᠯᠨ ᠲᠣᠳᠤᠷᠬᠠᠢ ᠢᠯᠭᠠᠭᠠ | ᠭᠠᠷᠴᠤ ᠢᠷᠡᠳᠡᠭ᠃ ᠡᠶᠢᠨᠬᠦ ᠮᠠᠯ ᠤᠨ ᠵᠢᠰᠦᠮ ᠳᠤ ᠴᠠᠭᠠᠷᠠᠭᠠᠳ ᠢᠷᠡᠬᠦ ᠦᠶᠡᠰ ᠬᠤᠯᠨ ᠠᠴᠠ ᠪᠠᠷᠠ ᠶᠢ ᠨᠢ ᠬᠠᠷᠠᠬᠤ | ᠪᠤᠶᠤ ᠭᠡᠷ ᠲᠤ ᠪᠠᠨ ᠰᠠᠭᠤᠵᠤ ᠪᠠᠶᠢᠭᠠᠳ ᠮᠠᠶᠢᠯᠠᠬᠤ ᠳᠠᠭᠤᠨ ᠠᠪᠢᠶᠠ ᠪᠤᠶᠤ ᠬᠥᠯ ᠤᠨ ᠴᠢᠮᠡᠭᠡ ᠪᠠᠷ ᠨᠢ ᠶᠠᠮᠠᠷ ᠬᠤᠨᠢ | ᠡᠰᠡᠬᠦᠯᠡ ᠢᠮᠠᠭᠠ ᠭᠡᠵᠤ ᠢᠯᠭᠠᠵᠤ ᠴᠢᠳᠠᠬᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠳᠡᠭ᠃ ᠲᠡᠶᠢᠮᠦ ᠴᠢᠳᠠᠪᠤᠷᠢ ᠡᠵᠡᠮᠰᠢᠭᠰᠡᠨ ᠬᠦᠮᠥᠨ | ᠮᠠᠯ ᠢ ᠲᠤᠭᠠᠯᠠᠬᠤ ᠱᠠᠭᠠᠷᠳᠠᠯᠭᠠ ᠦᠭᠡᠢ᠂ ᠵᠢᠰᠦᠮ ᠢᠶᠠᠷ ᠲᠤᠭᠠ ᠲᠣᠯᠣᠭᠠᠢ ᠶᠢ ᠨᠢ ᠣᠬᠤᠷᠬᠠᠨ ᠴᠠᠭ ᠤᠨ ᠳᠤᠲᠤᠷᠠ | ᠪᠦᠷᠢᠳᠬᠡᠵᠦ ᠴᠢᠳᠠᠳᠠᠭ᠃ ᠲᠡᠭᠡᠪᠡᠯ ᠮᠠᠯ ᠵᠢᠰᠦᠯᠡᠬᠦ ᠴᠢᠳᠠᠪᠤᠷᠢ ᠨᠢ ᠮᠠᠯ ᠠᠵᠤ ᠠᠬᠤᠢ ᠠᠴᠠ ᠭᠠᠳᠠᠨᠠ ᠠᠬᠤᠢ | ᠠᠮᠢᠳᠤᠷᠠᠯ ᠳᠤ ᠶᠠᠮᠠᠷ ᠬᠡᠷᠡᠭᠴᠡᠭᠡ ᠲᠠᠢ ᠪᠤᠢ ᠭᠡᠵᠤ ᠤᠬᠤᠴᠢᠯᠠᠵᠤ ᠪᠣᠯᠣᠨᠠ᠃ ᠡᠶᠢᠮᠦ ᠴᠢᠳᠠᠪᠤᠷᠢ ᠶᠢ ᠰᠠᠭᠤᠯᠭᠠᠵᠤ | ᠠᠪᠤᠭᠰᠠᠨ ᠬᠥᠮᠥᠨ ᠥᠪᠡᠷ ᠲᠤ ᠲᠣᠬᠢᠶᠠᠯᠳᠤᠭᠰᠠᠨ ᠠᠯᠢᠪᠠ ᠤᠴᠢᠷ ᠶᠠᠪᠤᠳᠠᠯ᠂ ᠬᠡᠷᠡᠭ ᠪᠣᠳᠠᠰ ᠢ ᠣᠯᠠᠨ | ᠥᠨᠴᠥᠭ ᠠᠴᠠ ᠨᠢ ᠰᠢᠨᠵᠢᠵᠦ ᠵᠥᠷᠢᠶᠡ ᠶᠢ ᠨᠢ ᠠᠮᠠᠷᠬᠠᠨ ᠣᠯᠵᠤ ᠴᠢᠳᠠᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ ᠮᠠᠯ ᠤᠨ ᠵᠢᠰᠦᠮ ᠳᠤ | ᠰᠠᠶᠢᠨ ᠬᠥᠮᠥᠨ ᠮᠠᠰᠢᠨ ᠵᠢᠯᠤᠭᠤᠳᠬᠤ ᠪᠠᠷ ᠪᠣᠳᠣᠬᠤ ᠳᠤ ᠮᠠᠰᠢᠨ ᠤ ᠳᠠᠭᠤᠨ ᠳᠤ ᠢᠯᠡᠷᠡᠭᠰᠡᠨ ᠥᠴᠦᠬᠡᠨ | ᠬᠤᠪᠢᠷᠠᠯᠲᠠ ᠠᠴᠠ ᠮᠠᠰᠢᠨ ᠤ ᠠᠯᠢ ᠬᠡᠰᠡᠭ ᠨᠢ ᠬᠡᠪ ᠤᠨ ᠪᠠᠶᠢᠳᠠᠯ ᠢᠶᠠᠨ ᠠᠯᠳᠠᠵᠤ ᠪᠠᠶᠢᠭᠠ ᠶᠢ ᠮᠠᠰᠢ ᠣᠬᠤᠷᠬᠠᠨ | ᠴᠠᠭ ᠤᠨ ᠳᠤᠲᠣᠷᠠ ᠣᠨᠣᠰᠢᠯᠠᠵᠤ ᠮᠡᠳᠡᠳᠡᠭ᠃ | ᠬᠤᠶᠠᠷ᠂ ᠠᠭᠤᠯᠨ ᠤᠰᠤᠨ ᠤ ᠨᠡᠷᠡ ᠶᠢ ᠴᠡᠭᠡᠵᠢᠯᠡᠭᠦᠯᠬᠦ ᠪᠤᠯ ᠮᠥᠨ ᠴᠦ ᠮᠠᠯᠴᠢᠨ ᠬᠥᠮᠥᠨ ᠤ | ᠬᠥᠮᠥᠵᠢᠯ ᠤᠨ ᠨᠢᠭᠡ ᠴᠢᠬᠤᠯᠨ ᠠᠭᠤᠯᠭᠠ ᠪᠠᠶᠢᠳᠠᠭ᠃ ᠠᠬᠠᠮᠠᠳ ᠨᠢ ᠬᠡᠦᠬᠡᠳ ᠢᠶᠠᠨ ᠭᠠᠳᠠᠭᠰᠢ ᠳᠠᠭᠠᠭᠤᠯᠵᠤ | ᠶᠠᠪᠤᠬᠤ ᠳᠤ ᠪᠠᠨ ᠭᠠᠵᠠᠷ ᠤᠰᠤᠨ ᠤ ᠨᠡᠷᠡ ᠶᠢ ᠴᠡᠭᠡᠵᠢᠯᠡᠭᠦᠯᠳᠡᠭ᠃ ᠲᠡᠭᠡᠬᠦ ᠳᠤ ᠪᠠᠨ ᠲᠡᠷᠨ ᠨᠡᠷᠡ ᠶᠢᠨ ᠢᠷᠡᠯ | ᠭᠠᠷᠤᠯ᠂ ᠲᠡᠭᠦᠨ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠳᠤᠮᠤᠭ ᠬᠠᠭᠤᠴᠢ᠂ ᠥᠪᠡᠷ ᠢᠶᠠᠨ ᠲᠤᠬᠠᠢ ᠶᠢᠨ ᠭᠠᠵᠠᠷ ᠢᠶᠠᠷ ᠶᠠᠪᠤᠵᠤ | ᠪᠠᠶᠢᠬᠤ ᠳᠤ ᠲᠣᠬᠢᠶᠠᠯᠳᠤᠭᠰᠠᠨ ᠬᠥᠭ ᠲᠠᠢ ᠶᠠᠪᠤᠳᠠᠯ ᠲᠡᠷᠢᠭᠦᠲᠡᠨ ᠢ ᠰᠣᠨᠢᠨ ᠪᠤᠯᠭᠠᠵᠤ ᠶᠠᠷᠢᠳᠠᠭ ᠪᠣᠯᠬᠤᠷ | ᠰᠤᠨᠤᠰᠤᠭᠰᠠᠨ ᠬᠥᠮᠥᠨ ᠲᠡᠷᠨ ᠭᠠᠵᠠᠷ ᠤᠨ ᠨᠡᠷᠡ ᠶᠢ ᠳᠠᠬᠢᠵᠤ ᠮᠠᠷᠲᠠᠳᠠᠭ ᠦᠭᠡᠢ ᠶᠤᠮ᠃ ᠲᠡᠷᠨ ᠭᠠᠵᠠᠷ ᠢᠶᠠᠷ | ᠣᠯᠠᠨ ᠤᠳᠠᠭᠠ ᠶᠠᠪᠤᠪᠠᠯ ᠬᠠᠮᠢᠭᠠ ᠨᠢ ᠶᠠᠮᠠᠷ ᠭᠤᠤ ᠰᠤᠵᠢᠭ ᠪᠠᠶᠢᠳᠠᠭ᠂ ᠬᠠᠮᠢᠭᠠ ᠨᠢ ᠶᠠᠮᠠᠷ ᠡᠪᠡᠰᠦ ᠤᠷᠭᠤᠮᠠᠯ᠂ | ᠠᠩ ᠠᠮᠢᠲᠠᠨ ᠪᠠᠶᠢᠳᠠᠭ ᠢ ᠴᠦ ᠠᠩᠬᠠᠷᠤᠯ ᠳᠤ ᠪᠠᠨ ᠠᠪᠴᠤ ᠲᠤᠭᠲᠠᠭᠠᠳᠠᠭ ᠪᠤᠯᠬᠤᠷ ᠡᠷᠭᠢᠨ ᠲᠤᠭᠤᠷᠢᠨ ᠬᠡᠳᠦᠨ | ᠵᠠᠭᠤᠨ ᠭᠠᠵᠠᠷ ᠤᠨ ᠳᠤᠲᠤᠷᠠᠬᠢ ᠭᠠᠵᠠᠷ ᠤᠨ ᠪᠠᠶᠢᠴᠠ ᠶᠢ ᠭᠡᠷ ᠳᠤᠲᠤᠷᠠᠬᠢ ᠲᠠᠯᠪᠢᠯᠭᠠ ᠪᠠᠨ ᠰᠢᠬ ᠮᠡᠳᠡᠳᠡᠭ᠃ | ᠮᠣᠩᠭᠤᠯᠴᠣᠳ ᠢᠩᠭᠢᠵᠦ ᠯᠡ ᠪᠠᠶᠢᠭᠠᠯᠢ ᠠᠴᠠ ᠬᠠᠮᠤᠭ ᠤᠨ ᠣᠶᠢᠷᠠᠬᠠᠨ ᠪᠠᠶᠢᠵᠤ᠂ ᠪᠠᠶᠢᠭᠠᠯᠢ ᠠᠴᠠ ᠪᠠᠨ᠂ | ᠮᠠᠯ ᠠᠴᠠ ᠪᠠᠨ ᠡᠷᠳᠡᠮ ᠤᠬᠠᠭᠠᠨ ᠢᠶᠠᠨ ᠰᠡᠯᠪᠢᠳᠡᠭ ᠭᠠᠶᠢᠬᠠᠯᠳᠠᠢ ᠠᠷᠠᠳ ᠲᠦᠮᠡᠨ ᠪᠢᠯᠨ᠃ | ᠭᠤᠷᠪᠠ᠂ ᠮᠥᠷ ᠰᠢᠨᠵᠢᠬᠦ ᠶᠢ ᠰᠤᠷᠭᠠᠳᠠᠭ ᠨᠢ ᠮᠥᠨ ᠴᠦ ᠰᠤᠳᠤᠯᠭᠠᠨ ᠤ ᠠᠷᠭᠠ ᠵᠦᠢ ᠶᠢᠨ ᠰᠠᠭᠤᠷᠢ | ᠪᠣᠯᠳᠠᠭ᠃ ᠡᠪᠦᠯ ᠤᠨ ᠴᠠᠰᠤᠨ ᠳᠡᠭᠡᠷᠡᠬᠢ ᠮᠥᠷ ᠢ ᠰᠢᠨᠵᠢᠬᠦ ᠳᠤ ᠬᠠᠷᠢᠴᠠᠩᠭᠤᠢ ᠠᠮᠠᠷ ᠰᠢᠬ ᠪᠣᠯᠪᠠᠴᠤ ᠵᠤᠨ | ᠰᠠᠯᠬᠢᠳᠠᠭᠰᠠᠨ ᠠᠳᠤᠭᠤ ᠶᠢ ᠮᠥᠷᠳᠡᠬᠦ ᠳᠤ ᠨᠡᠯᠢᠶᠡᠳ ᠬᠦᠴᠢᠷ ᠪᠠᠶᠢᠳᠠᠭ᠃ ᠶᠠᠭᠤᠨ ᠤ ᠡᠮᠦᠨᠡ ᠠᠳᠤᠭᠤ ᠰᠠᠯᠬᠢᠳᠠᠬᠤ | ᠦᠶᠡ ᠶᠢᠨ ᠪᠠᠶᠢᠷᠢᠰᠢᠯ ᠪᠠ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠰᠠᠯᠬᠢᠨ ᠤ ᠴᠢᠭᠯᠡᠯ ᠢ ᠡᠷᠬᠡᠪᠰᠢ ᠴᠡᠭᠡᠵᠢᠯᠡᠭᠰᠡᠨ ᠪᠠᠶᠢᠬᠤ | ᠬᠡᠷᠡᠭᠲᠡᠢ᠃ ᠰᠢᠨᠡ ᠰᠤᠷᠭᠤᠭ ᠪᠡᠯᠴᠢᠭᠡᠷ ᠢᠶᠠᠷ ᠠᠳᠤᠭᠤᠨ ᠤ ᠮᠥᠷ ᠢ ᠤᠭᠲᠤᠯᠤᠨ ᠬᠠᠶᠢᠵᠤ ᠬᠢᠯᠠᠭᠠᠨᠠ᠂ ᠬᠢᠶᠠᠭ᠂ | ᠰᠠᠷᠠᠨᠠ᠂ ᠬᠤᠩᠭᠤᠷᠴᠠᠭ ᠤᠨ ᠬᠡᠪᠲᠡᠭᠰᠡᠨ ᠴᠢᠭᠯᠡᠯ ᠵᠢᠴᠢ ᠪᠦᠬᠦ᠋ᠢᠭᠰᠡᠨ ᠪᠠᠶᠢᠳᠠᠯ ᠢᠶᠠᠷ ᠠᠳᠤᠭᠤ ᠡᠨᠡᠭᠦᠷ | ᠥᠩᠭᠡᠷᠡᠭᠡᠳ ᠬᠡᠳᠦᠢ ᠤᠳᠠᠵᠤ ᠪᠠᠶᠢᠬᠤ ᠶᠢ ᠮᠠᠭᠠᠳᠯᠠᠵᠤ ᠪᠤᠯᠳᠠᠭ᠃ ᠪᠠᠰᠠ ᠮᠣᠷᠢᠨ ᠤ ᠬᠤᠮᠤᠯ ᠤᠨ ᠴᠢᠭᠢᠭ ᠢ | ᠰᠢᠨᠵᠢᠯᠡᠵᠦ ᠪᠦᠷᠢᠨ ᠬᠠᠲᠠᠭᠰᠠᠨ᠂ ᠭᠠᠳᠠᠷ ᠥᠩᠭᠡ ᠨᠢ ᠬᠠᠲᠠᠭᠰᠠᠨ᠂ ᠡᠰᠡᠬᠦᠯᠡ ᠱᠠᠯ ᠨᠦᠢᠲᠠᠨ ᠪᠠᠶᠢᠭᠠ ᠠᠴᠠ | ᠠᠳᠤᠭᠤᠨ ᠤ ᠶᠠᠪᠤᠵᠤ ᠥᠩᠭᠡᠷᠡᠭᠰᠡᠨ ᠴᠠᠭ ᠢ ᠨᠡᠯᠢᠶᠡᠳ ᠣᠨᠣᠪᠴᠢᠲᠠᠢ ᠵᠢᠱᠢᠵᠦ ᠪᠤᠯᠳᠠᠭ᠃ ᠡᠳᠡᠭᠡᠷ ᠪᠣᠯᠪᠠᠰᠤᠷᠠᠯ ᠨᠢ | ᠤᠴᠢᠷ ᠰᠢᠯᠲᠠᠭᠠᠨ᠂ ᠣᠢ ᠲᠣᠭᠲᠠᠭᠠᠯᠲᠠ ᠵᠡᠷᠭᠡ ᠣᠯᠠᠨ ᠴᠢᠳᠠᠪᠤᠷᠢ ᠲᠠᠢ ᠬᠤᠯᠪᠤᠭᠳᠠᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ | ᠮᠣᠩᠭᠤᠯ ᠠᠷᠠᠳ ᠤᠨ ᠦᠭᠡᠨ ᠳᠤ ︽ᠡᠷᠢᠯ ᠢ ᠰᠤᠷᠠᠭ ᠢᠶᠠᠷ᠂ ᠡᠷᠳᠡᠮ ᠢ ᠬᠢᠴᠢᠶᠡᠯ ᠢᠶᠠᠷ︾ ᠭᠡᠳᠡᠭ ᠦᠭᠡ ᠪᠤᠢ᠃ | ᠵᠠᠮ ᠳᠤ ᠲᠠᠭᠠᠷᠠᠯᠳᠤᠭᠰᠠᠨ ᠠᠶᠢᠯ ᠠᠮᠢᠲᠠᠨ ᠠᠴᠠ ᠠᠰᠠᠭᠤᠵᠤ ᠰᠤᠷᠠᠭᠯᠠᠬᠤ ᠨᠢ ᠡᠷᠢᠯ ᠤᠨ ᠰᠤᠷᠠᠭ ᠢ ᠭᠠᠷᠭᠠᠬᠤ ᠳᠤ | ᠴᠠᠭ ᠢ ᠶᠡᠭᠡ ᠠᠷᠪᠢᠯᠠᠳᠠᠭ᠃ ᠭᠡᠬᠦ ᠳᠤ ᠪᠠᠨ ᠰᠤᠷᠠᠭ ᠲᠠᠯᠪᠢᠬᠤ ᠶᠠᠪᠤᠴᠠ ᠨᠢ ᠳᠠᠷᠤᠢ ᠵᠠᠯᠠᠭᠤ ᠪᠠᠭᠠᠴᠤᠳ ᠤᠨ | ᠬᠠᠷᠢᠯᠴᠠᠭᠠᠨ ᠤ ᠴᠢᠳᠠᠪᠤᠷᠢ ᠶᠢ ᠠᠬᠢᠭᠤᠯᠬᠤ ᠦᠢᠯᠡᠳᠥᠯ ᠲᠠᠢ᠃ | ᠳᠥᠷᠪᠡ᠂ 17~18 ᠬᠦᠷᠦᠭᠰᠡᠨ ᠬᠡᠦᠬᠡᠳ ᠢ ᠵᠤᠨ ᠨᠠᠮᠤᠷ ᠤᠨ ᠳᠤᠯᠠᠭᠠᠨ ᠴᠠᠭ ᠲᠤ ᠰᠢᠯᠢ ᠳᠤ ᠠᠳᠤᠭᠤ ᠮᠠᠨᠠᠬᠤ | ᠠᠵᠢᠯ ᠬᠢᠯᠭᠡᠳᠡᠭ᠃ ᠡᠬᠢᠯᠡᠭᠡᠳ ᠰᠠᠷᠠ ᠲᠠᠢ ᠰᠥᠨᠢ ᠬᠠᠨᠢ ᠲᠠᠢ ᠬᠠᠭᠠᠰ ᠰᠥᠨᠢ ᠪᠠᠷ ᠮᠠᠨᠠᠭᠤᠯᠵᠤ ᠪᠠᠶᠢᠭᠠᠳ | ᠳᠠᠷᠠᠭᠠ ᠨᠢ ᠰᠠᠷᠨ ᠦᠭᠡᠢ ᠰᠥᠨᠢ᠂ ᠪᠦᠷᠬᠦᠭ ᠰᠥᠨᠢ᠂ ᠪᠤᠷᠤᠭᠠᠨ ᠲᠠᠢ ᠰᠥᠨᠢ ᠪᠦᠬᠦᠯᠢ ᠰᠥᠨᠢ ᠪᠠᠷ ᠭᠠᠭᠴᠠᠭᠠᠷ ᠨᠢ | ᠮᠠᠨᠠᠭᠤᠯᠵᠤ ᠵᠤᠷᠢᠭ ᠰᠥᠰᠥ ᠶᠢ ᠨᠢ ᠳᠠᠪᠲᠠᠳᠠᠭ᠃ ᠴᠠᠬᠢᠯᠭᠠᠨ ᠴᠠᠬᠢᠯᠵᠤ ᠠᠶᠤᠩᠭᠠ ᠨᠢᠵᠢᠭᠢᠨᠡᠭᠰᠡᠨ ᠰᠢᠷᠦᠭᠦᠨ | ᠪᠤᠷᠤᠭᠠᠨ ᠲᠠᠢ ᠰᠥᠨᠢ ᠴᠦ ᠭᠡᠰᠡᠨ ᠮᠠᠨᠠᠭᠠᠨ ᠳᠤ ᠬᠡᠦᠬᠡᠳ ᠢᠶᠠᠨ ᠵᠠᠪᠠᠯ ᠳᠠᠭᠠᠭᠤᠯᠵᠤ ᠶᠠᠪᠤᠳᠠᠭ᠃ ᠮᠥᠨ ᠡᠮᠨᠢᠭ | ᠲᠤᠭᠰᠢᠨ ᠤᠨᠤᠭᠤᠯᠬᠤ᠂ ᠠᠩ ᠭᠦᠷᠦᠭᠡᠨ ᠳᠤ ᠳᠠᠭᠠᠭᠤᠯᠵᠤ ᠶᠠᠪᠤᠬᠤ᠂ ᠠᠶᠠᠨ ᠵᠢᠩ ᠳᠤ ᠳᠠᠭᠠᠭᠤᠯᠵᠤ ᠶᠠᠪᠤᠬᠤ ᠨᠢ | ᠪᠦᠷ ᠯᠡ ᠬᠡᠦᠬᠡᠳ ᠵᠠᠯᠠᠭᠤᠴᠣᠳ ᠤᠨ ᠰᠥᠰᠥ ᠵᠤᠷᠢᠭ ᠢ ᠴᠢᠩᠭᠠᠯᠠᠳᠠᠭ ᠦᠢᠯᠡᠳᠦᠯ ᠲᠠᠢ᠃ | | ᠢᠷᠡᠯᠲᠡ᠄ ᠦᠪᠦᠷ ᠮᠣᠩᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ | ᠣᠷᠣᠨ ᠤ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠲᠢᠩᠬᠢᠮ |