| | | | | | | | | | | | ᠴᠠᠭ ᠤᠷᠤᠨ ᠵᠠᠢ ᠶᠢᠨ ᠬᠡᠯᠬᠢᠶᠡᠰᠦ᠄ ᠡᠷᠳᠡᠨ ᠤ ᠪᠠᠭᠤᠷᠢ | ᠨᠠᠢᠮᠠᠳᠤᠭᠠᠷ ᠪᠦᠯᠦᠭ ᠤᠨ ᠪᠦᠬᠦ ᠤᠯᠤᠰ ᠤᠨ ᠭᠤᠤᠯᠲᠠᠯᠭᠠᠲᠦ ᠲᠡᠦᠭᠡᠨ ᠲᠤᠷᠠᠰᠬᠠᠯᠲᠦ | ᠵᠦᠢᠯᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠨᠢᠬᠡᠴᠢ ᠳᠤ ᠮᠠᠨ ᠤ ᠤᠷᠤᠨ ᠤ ᠴᠠ ᠾᠧ ᠺᠸᠦ ᠶᠢᠨ ᠪᠠᠭᠤᠷᠢ᠂ ᠬᠠᠮᠪᠦ ᠶᠢᠨ | ᠪᠠᠭᠤᠷᠢ᠂ ᠹᠸᠡᠭᠵᠸᠦ ᠡᠷᠳᠡᠨ ᠤ ᠬᠤᠲᠠ ᠶᠢᠨ ᠪᠠᠭᠤᠷᠢ ᠵᠡᠷᠭᠡ 3 ᠡᠷᠳᠡᠨ ᠤ ᠪᠠᠭᠤᠷᠢ ᠵᠢᠬᠰᠠᠭᠠᠭᠲᠠᠵᠠᠢ᠃ | ᠬᠦᠬᠡᠬᠤᠲᠠ ᠶᠢᠨ ᠴᠢᠩ ᠱᠦᠢ ᠾᠧ ᠰᠢᠶᠠᠨ ᠤ ᠾᠦᠨᠾᠧ ᠭᠤᠤᠯ ᠪᠤᠯᠤᠨ ᠬᠠᠲᠤᠨ ᠭᠤᠤᠯ ᠤᠨ | ᠠᠭᠤᠯᠵᠠᠷ ᠲᠤ ᠪᠠᠶᠢᠷᠢᠯᠠᠲᠠᠭ ᠴᠠ ᠾᠧ ᠺᠸᠦ ᠶᠢᠨ ᠪᠠᠭᠤᠷᠢ᠂ ᠵᠡᠬᠦᠨ ᠪᠡᠶᠡ᠂ ᠡᠮᠦᠨᠡ ᠪᠡᠶᠡ᠂ ᠪᠠᠷᠠᠭᠤᠨ | ᠪᠡᠶᠡ ᠪᠠᠷ ᠢᠶᠠᠨ ᠪᠦᠷ ᠭᠤᠤᠯ ᠮᠦᠷᠡᠨ ᠲᠠᠢ ᠨᠢᠭᠤᠷᠯᠠᠵᠦ ᠪᠠᠶᠢᠲᠠᠭ᠃ ᠴᠠ ᠾᠧ ᠺᠸᠦ ᠶᠢᠨ ᠪᠠᠭᠤᠷᠢ ᠶᠢᠨ ᠭᠤᠤᠯ | ᠴᠤᠭᠴᠠ ᠨᠢ ᠲᠡᠭᠰᠢ ᠭᠠᠵᠠᠷ ᠲᠡᠭᠡᠷᠡ ᠪᠠᠶᠢᠷᠢᠯᠠᠵᠦ᠂ ᠨᠢᠬᠡᠨ ᠴᠠᠭᠠᠷᠢᠬᠯᠠᠬᠰᠠᠨ ᠨᠦᠬᠡ ᠪᠠᠷ ᠬᠦᠷᠢᠶᠡᠯᠡᠭᠳᠡᠵᠦ᠂ ᠪᠠᠷᠤᠭ | 6 ᠲᠦᠮᠡᠨ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠳ᠋ᠷ ᠲᠠᠯᠠᠪᠠᠢ ᠲᠠᠢ ᠪᠠᠶᠢᠲᠠᠭ᠃ ᠠᠳᠡ ᠠᠴᠠ ᠭᠤᠤᠯᠲᠠᠭᠤ ᠨᠦᠬᠡᠨ ᠭᠡᠷ | ᠮᠠᠶᠢᠭ ᠤᠨ ᠪᠠᠭᠤᠷᠢ᠂ ᠮᠠᠯᠲᠠᠮᠠᠯ ᠨᠦᠬᠡ ᠪᠠ ᠱᠠᠭᠠᠵᠠᠩ ᠰᠢᠲᠠᠭᠠᠬᠤ ᠵᠤᠤᠬᠠ ᠵᠡᠷᠭᠡ ᠶᠢ ᠢᠯᠡᠷᠡᠬᠦᠯᠦᠭᠰᠡᠨ ᠶᠤᠮ᠃ | ᠤᠶᠢᠯᠠᠭᠠᠭᠰᠠᠨ ᠢᠶᠠᠷ᠂ ᠴᠠ ᠾᠧ ᠺᠸᠦ ᠶᠢᠨ ᠪᠠᠭᠤᠷᠢ ᠪᠤᠯ ᠬᠠᠲᠤᠨ ᠭᠤᠤᠯ ᠤᠨ ᠲᠤᠮᠲᠠ | ᠭᠡᠰᠡᠭ ᠤᠨ ᠬᠠᠮᠤᠭ ᠤᠨ ᠴᠢᠬᠤᠯᠠ ᠪᠠᠯᠠᠷ ᠡᠷᠳᠡᠨ ᠤ ᠤᠪᠤᠭ ᠲᠦᠷᠦᠯ ᠤᠨ ᠦᠯᠡᠳᠡᠭᠳᠡᠯ ᠪᠤᠯᠬᠤ ᠶᠤᠮ᠂ ᠮᠦᠨ ᠴᠦ | ᠤᠲᠤᠬᠠᠨ ᠪᠤᠯᠲᠠᠯᠠ ᠢᠯᠡᠷᠡᠬᠦᠯᠦᠭᠰᠡᠨ ᠤᠲᠤ ᠠᠴᠠ 6500 — 5500 ᠵᠢᠯ ᠤᠨ ᠡᠮᠦᠨᠡᠬᠢ ᠬᠡᠪᠴᠢᠶᠡ ᠪᠠᠷ | ᠨᠡᠯᠢᠶᠡᠳ ᠶᠡᠭᠡ ᠶᠠᠩ ᠱᠤᠤ ᠶᠢᠨ ᠲᠤᠮᠲᠠ ᠬᠤᠭᠤᠴᠠᠭᠠᠨ ᠤ ᠤᠪᠤᠭ ᠠᠶᠢᠮᠠᠬ ᠤᠨ ᠦᠯᠡᠳᠡᠭᠳᠡᠯ ᠪᠤᠯᠬᠤ ᠶᠤᠮ᠃ | 1997 ᠤᠨ ᠪᠠ 1998 ᠤᠨ ᠳᠤ᠂ ᠸᠠᠨ ᠵᠢᠶᠠ ᠵᠠᠢ ᠶᠢᠨ ᠤᠰᠤᠨ ᠠᠰᠢᠬᠯᠠᠯᠲᠠ ᠶᠢᠨ ᠬᠦᠢᠰᠦ ᠪᠠᠷᠢᠯᠭᠠ ᠶᠢ | ᠪᠠᠶᠢᠭᠤᠯᠬᠤ ᠳᠤ᠂ ᠲᠤᠰ ᠪᠠᠭᠤᠷᠢ ᠳᠤ ᠬᠤᠶᠠᠷ ᠤᠲᠠᠭᠠᠨ ᠤ ᠪᠠᠴᠢᠮ ᠠᠪᠤᠷᠠᠯᠲᠠ ᠶᠢᠨ ᠴᠢᠨᠠᠷᠲᠠᠢ ᠠᠭᠤᠲᠠᠯᠤᠯᠲᠠ | ᠬᠢᠵᠠᠢ᠃ ᠲᠤᠰ ᠪᠠᠭᠤᠷᠢ ᠨᠢ ᠲᠠᠯᠠ ᠨᠤᠲᠤᠭ ᠤᠨ ᠪᠤᠯᠪᠠᠰᠦᠨ ᠤ ᠪᠦᠷᠢᠯᠲᠦᠯ ᠤᠨ ᠶᠠᠪᠤᠴᠠ ᠲᠤᠮᠲᠠᠬᠢ ᠠᠮᠢᠲᠠᠨ ᠤ | ᠲᠤᠲᠧᠮ᠂ ᠲᠡᠭᠡᠲᠦ ᠵᠡᠷᠭᠡ ᠶᠢᠨ ᠱᠠᠰᠢᠨ ᠰᠢᠲᠦᠯᠭᠡ ᠪᠠ ᠡᠷᠭᠡ ᠰᠦᠷ ᠤᠨ ᠪᠡᠯᠭᠡᠳᠡᠯ ᠢ ᠬᠦᠢᠴᠡᠳ ᠢᠯᠡᠷᠡᠬᠦᠯᠦᠭᠰᠡᠨ | ᠪᠢᠯᠡ᠃ | ᠲᠦᠡᠭᠯᠢᠶᠤᠤ ᠬᠤᠲᠠ ᠶᠢᠨ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠲᠤᠮᠲᠠᠲᠦ ᠬᠤᠰᠢᠭᠤᠨ ᠳᠤ ᠪᠠᠶᠢᠷᠢᠯᠠᠭᠠ | ᠬᠠᠮᠪᠦ ᠶᠢᠨ ᠪᠠᠭᠤᠷᠢ ᠪᠤᠯ ᠤᠲᠤ ᠠᠴᠠ 5500 — 5000 ᠵᠢᠯ ᠤᠨ ᠡᠮᠦᠨᠡᠬᠢ ᠲᠡᠦᠭᠡ ᠶᠢᠨ ᠦᠯᠡᠳᠡᠭᠳᠡᠯ | ᠪᠤᠯᠬᠤ ᠶᠤᠮ᠃ 2010 ᠤᠨ ᠠᠴᠠ 2014 ᠤᠨ ᠪᠤᠯᠲᠠᠯᠠ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠲᠡᠦᠭᠡᠨ | ᠲᠤᠷᠠᠰᠬᠠᠯᠲᠦ ᠵᠦᠢᠯ ᠬᠠᠭᠤᠴᠢ ᠰᠤᠲᠤᠯᠤᠯ ᠤᠨ ᠰᠤᠲᠤᠯᠬᠤ ᠭᠠᠵᠠᠷ ᠨᠢ ᠬᠢᠷᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠭᠤᠴᠢ | ᠰᠤᠲᠤᠯᠤᠯ ᠤᠨ ᠲᠦᠪ ᠲᠠᠢ ᠬᠠᠮᠲᠤᠷᠠᠵᠦ ᠲᠤᠰ ᠪᠠᠭᠤᠷᠢ ᠶᠢ ᠢᠯᠡᠷᠡᠬᠦᠯᠦᠭᠰᠡᠨ ᠪᠠᠶᠢᠨᠠ᠃ ᠲᠤᠰ ᠪᠠᠭᠤᠷᠢ ᠨᠢ | ᠬᠡᠪᠴᠢᠶᠡ ᠪᠠᠷ ᠶᠡᠭᠡ᠂ ᠢᠯᠡᠷᠡᠬᠦᠯᠦᠭᠰᠡᠨ ᠲᠡᠦᠭᠡᠨ ᠲᠤᠷᠠᠰᠬᠠᠯᠲᠦ ᠵᠦᠢᠯ ᠢᠶᠠᠷ ᠡᠯᠪᠡᠭ ᠲᠡᠯᠪᠡᠭ᠂ ᠬᠠᠲᠠᠭᠠᠯᠠᠯᠲᠠ ᠪᠠᠷ | ᠪᠦᠷᠢᠨ ᠪᠦᠲᠦᠨ ᠪᠠᠶᠢᠵᠦ᠂ ᠬᠦᠮᠦᠰ ᠲᠤ ᠪᠠᠷᠠᠭᠤᠨ ᠯᠢᠶᠤᠤ ᠾᠧ ᠭᠤᠤᠯ ᠤᠨ ᠰᠠᠪᠠ ᠭᠠᠵᠠᠷ ᠤᠨ ᠲᠤᠰ | ᠲᠦᠷᠦᠯ ᠤᠨ ᠪᠠᠭᠤᠷᠢ ᠶᠢᠨ ᠪᠠᠲᠤᠲᠠᠢ ᠤᠨ ᠵᠢᠯ᠂ ᠲᠠᠷᠬᠠᠯᠲᠠ ᠶᠢᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠪᠠ ᠪᠦᠬᠦ᠋ᠢᠯᠡ ᠪᠠᠶᠢᠲᠠᠯ | ᠲᠦᠷᠬᠦ ᠶᠢ ᠤᠶᠢᠢᠯᠠᠭᠠᠬᠤ ᠳᠤ ᠴᠢᠬᠤᠯᠠ ᠮᠠᠲ᠋ᠧᠷᠢᠶᠠᠯ ᠬᠠᠨᠭ᠍ᠭᠠᠵᠦ᠂ ᠵᠡᠬᠦᠨ ᠬᠤᠶᠢᠲᠦ ᠶᠢᠨ ᠲᠠᠯᠠ ᠭᠠᠵᠠᠷ ᠤᠨ ᠰᠢᠨᠠ | ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠴᠠᠭ ᠦᠶᠡ ᠶᠢᠨ ᠰᠤᠶᠤᠯ ᠤᠨ ᠲᠦᠷᠦᠯ ᠵᠠᠨᠠᠷ ᠵᠢᠴᠢ ᠴᠠᠭ ᠤᠷᠤᠨ ᠵᠠᠢ ᠶᠢᠨ ᠲᠦᠢᠮᠦ | ᠪᠠᠶᠢᠲᠠᠯ ᠢ ᠲᠤᠲᠤᠯᠠᠬᠤ ᠳᠤ ᠲᠤᠲᠠᠭᠲᠠᠵᠦ ᠪᠤᠯᠤᠰᠢ ᠦᠬᠡᠢ ᠴᠢᠬᠤᠯᠠ ᠭᠡᠷᠡᠴᠢ ᠪᠤᠯᠵᠠᠢ᠃ | ᠹᠸᠡᠭᠵᠸᠦ ᠬᠤᠲᠠ ᠪᠤᠯ ᠯᠢᠶᠤᠤ ᠤᠯᠤᠰ ᠤᠨ ᠦᠶᠡ ᠶᠢᠨ ᠴᠡᠷᠢᠭ ᠤᠨ ᠶᠠᠪᠤᠲᠠᠯ ᠤᠨ ᠴᠢᠬᠤᠯᠠ ᠪᠠᠯᠭᠠᠰᠦ | ᠶᠤᠮ᠃ ᠶᠤᠸᠠᠨ ᠤᠯᠤᠰ ᠤᠨ ᠰᠡᠬᠦᠯᠴᠢ ᠶᠢᠨ ᠦᠶᠡ ᠳᠤ᠂ ᠤᠯᠠᠭᠠᠨ ᠠᠯᠴᠢᠭᠤᠷᠲᠠᠨ ᠤ ᠪᠤᠰᠤᠯᠭᠠ ᠶᠢᠨ ᠴᠡᠷᠢᠭ ᠤᠳ | ᠤᠮᠠᠷᠠᠰᠢᠯᠠᠵᠦ᠂ 1359 ᠤᠨ ᠳᠤ ᠶᠤᠸᠠᠨ ᠤᠯᠤᠰ ᠤᠨ ᠴᠡᠷᠢᠭ ᠲᠠᠢ ᠹᠸᠡᠭᠵᠸᠦ ᠬᠤᠲᠠ ᠳᠤ ᠶᠡᠭᠡ ᠪᠠᠷ | ᠪᠠᠶᠢᠯᠲᠤᠬᠤ ᠳᠤ᠂ ᠬᠤᠲᠠ ᠶᠢᠨ ᠲᠤᠲᠤᠷᠠ ᠠᠵᠦ ᠲᠦᠷᠦᠵᠦ ᠪᠠᠶᠢᠬᠰᠠᠨ ᠬᠢᠲᠠᠳ ᠠᠷᠠᠳ ᠲᠤᠲᠤᠷ ᠤᠷᠤᠨ ᠵᠦᠭ | ᠲᠤᠲᠠᠭᠠᠬᠤ ᠳᠤ ᠹᠸᠡᠭᠵᠸᠦ ᠬᠤᠲᠠ ᠨᠢ ᠨᠢᠬᠡᠨ ᠡᠵᠡᠬᠦᠢ ᠬᠤᠲᠠ ᠪᠤᠯᠵᠠᠢ᠃ | ᠹᠸᠡᠭᠵᠸᠦ ᠬᠤᠲᠠ ᠶᠢᠨ ᠪᠠᠭᠤᠷᠢ ᠬᠦᠬᠡᠬᠤᠲᠠ ᠶᠢᠨ ᠰᠠᠶᠢᠬᠠᠨ ᠲᠤᠭᠤᠷᠢᠭ ᠤᠨ ᠴᠠᠭᠠᠨ ᠰᠤᠪᠤᠷᠭᠠ | ᠲᠤᠰᠬᠤᠨ ᠠᠴᠠ ᠪᠠᠷᠠᠭᠤᠨ ᠡᠮᠦᠨᠡᠰᠢ ᠪᠠᠶᠢᠷᠢᠯᠠᠵᠦ᠂ ᠬᠦᠬᠡᠬᠤᠲᠠ ᠶᠢᠨ ᠬᠤᠲᠠ ᠶᠢᠨ ᠲᠤᠭᠤᠷᠢᠭ ᠠᠴᠠ ᠪᠠᠷᠠᠭᠤᠨᠰᠢ | 18 ᠺᠢᠯᠣᠮᠧᠳ᠋ᠷ ᠵᠠᠶᠢᠲᠠᠢ ᠪᠠᠶᠢᠲᠠᠭ᠃ ᠲᠤᠰ ᠬᠤᠲᠠ ᠨᠢ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ᠂ ᠡᠮᠦᠨᠡᠰᠢ ᠤᠮᠠᠷᠠᠰᠢ | 1200 ᠮᠧᠳ᠋ᠷ᠂ ᠵᠡᠬᠦᠨᠰᠢ ᠪᠠᠷᠠᠭᠤᠨᠰᠢ 1100 ᠮᠧᠳ᠋ᠷ ᠪᠠᠶᠢᠲᠠᠭ᠃ ᠬᠡᠲᠦᠨ ᠵᠠᠭᠤᠨ ᠤ ᠲᠤᠷᠰᠢ ᠲᠤᠰ | ᠬᠤᠲᠠ ᠶᠢᠨ ᠪᠠᠭᠤᠷᠢ ᠨᠢ ᠲᠦᠮᠡᠳ ᠤᠨ ᠲᠠᠯᠠ ᠶᠢᠨ ᠦᠦᠬᠡ ᠲᠡᠦᠭᠡ ᠶᠢᠨ ᠭᠡᠷᠡᠴᠢᠯᠡᠯ ᠪᠤᠯᠵᠦ᠂ ᠤᠷᠤᠭᠠ ᠪᠤᠰᠬᠠᠭᠠ | ᠴᠠᠭ ᠲᠦᠷᠦ᠂ ᠦᠡᠭᠭᠡᠷᠡᠨ ᠤᠲᠤᠭᠰᠠᠨ ᠦᠯᠢᠬᠡᠷ ᠲᠡᠦᠭᠡ ᠶᠢ ᠬᠦᠦᠷᠨᠢᠭᠰᠡᠭᠡᠷ᠃ | ᠲᠡᠦᠭᠡ ᠶᠢᠨ ᠢᠮ ᠲᠠᠮᠠᠭᠠ᠄ ᠡᠷᠳᠡᠨ ᠤ ᠤᠡᠭᠭᠤᠨ | ᠨᠠᠢᠮᠠᠳᠤᠭᠠᠷ ᠪᠦᠯᠦᠭ ᠤᠨ ᠪᠦᠬᠦ ᠤᠯᠤᠰ ᠤᠨ ᠭᠤᠤᠯᠲᠠᠯᠭᠠᠲᠦ ᠲᠡᠦᠭᠡᠨ ᠲᠤᠷᠠᠰᠬᠠᠯᠲᠦ ᠵᠦᠢᠯᠡᠰ ᠤᠨ | ᠬᠠᠮᠠᠭᠠᠯᠠᠯᠲᠠ ᠶᠢᠨ ᠨᠢᠬᠡᠴᠢ ᠳᠤ ᠮᠠᠨ ᠤ ᠤᠷᠤᠨ ᠤ ᠮᠠ ᠽᠦᠩ ᠱᠠᠨ ᠠᠭᠤᠯᠠ ᠶᠢᠨ ᠤᠡᠭᠭᠤᠨ ᠤ ᠰᠦᠷᠦᠭᠵᠢᠯ | ᠵᠢᠬᠰᠠᠭᠠᠭᠲᠠᠵᠠᠢ᠃ ᠲᠤᠰ ᠤᠩᠭᠤᠨ ᠤ ᠰᠦᠷᠦᠭᠵᠢᠯ ᠪᠠᠶᠠᠨᠨᠠᠭᠤᠷ ᠬᠤᠲᠠ ᠶᠢᠨ ᠤᠷᠠᠳ ᠤᠨ ᠲᠤᠮᠲᠠᠲᠦ | ᠬᠤᠰᠢᠭᠤᠨ ᠤ ᠬᠤᠯᠤᠰᠤᠲᠠᠢ ᠰᠤᠮᠤᠨ ᠤ ᠲᠠᠭᠠᠲᠦ ᠭᠠᠴᠠᠭᠠ ᠠᠴᠠ ᠤᠮᠠᠷᠠᠰᠢ 15 ᠺᠢᠯᠣᠮᠧᠳ᠋ᠷ ᠵᠠᠶᠢᠲᠠᠢ ᠮᠠ ᠽᠦᠩ | ᠱᠠᠨ ᠭᠠᠵᠠᠷ ᠤᠷᠤᠨ ᠤ ᠰᠢᠷᠠᠴᠢᠯᠠᠭᠤ ᠠᠭᠤᠯᠠ ᠶᠢᠨ ᠤᠷᠴᠢᠮ ᠪᠠᠶᠢᠷᠢᠯᠠᠲᠠᠭ᠃ ᠰᠢᠷᠠᠴᠢᠯᠠᠭᠤ ᠠᠭᠤᠯᠠ ᠶᠢ | ᠲᠤᠭᠤᠷᠢᠭᠠᠳ 4 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠺᠢᠯᠣᠮᠧᠳ᠋ᠷ ᠤᠨ ᠲᠠᠯᠠᠪᠠᠢ ᠳᠤ᠂ ᠴᠢᠯᠠᠭᠤ ᠪᠠᠷ ᠤᠪᠤᠭᠠᠯᠠᠬᠰᠠᠨ ᠤᠡᠭᠭᠤᠨ᠂ | ᠴᠢᠯᠠᠭᠤᠨ ᠬᠠᠪᠲᠠᠰᠦᠲᠦ ᠤᠩᠭᠤᠨ ᠨᠡᠶᠢᠯᠡᠬᠡᠳ 107 ᠤᠡᠭᠭᠤᠨ ᠲᠠᠷᠬᠠᠨ ᠪᠠᠶᠢᠷᠢᠰᠢᠵᠠᠢ᠃ ᠡᠳᠡᠭᠡᠷ ᠤᠩᠭᠤᠨ ᠨᠢ | ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠶᠢᠨ᠂ ᠲᠤᠭᠤᠷᠢᠭ ᠬᠡᠯᠪᠡᠷᠢ ᠶᠢᠨ᠂ 工 ᠦᠰᠦᠭ ᠤᠨ ᠬᠡᠯᠪᠡᠷᠢ ᠶᠢᠨ᠂ T ᠦᠰᠦᠭ ᠤᠨ | ᠬᠡᠯᠪᠡᠷᠢ ᠶᠢᠨ ᠵᠡᠷᠭᠡ ᠤᠯᠠᠨ ᠬᠡᠯᠪᠡᠷᠢ ᠲᠦᠷᠰᠦ ᠲᠠᠢ ᠪᠠᠶᠢᠵᠦ᠂ ᠶᠡᠭᠡ ᠪᠠᠭᠠ ᠨᠢ ᠠᠳᠠᠯᠢ ᠪᠤᠰᠤ᠂ ᠬᠠᠲᠠᠭᠠᠯᠠᠯᠲᠠ ᠪᠠᠷ | ᠨᠡᠯᠢᠶᠡᠳ ᠪᠦᠷᠢᠨ ᠪᠠᠶᠢᠲᠠᠭ᠃ | ᠲᠤᠰ ᠤᠩᠭᠤᠨ ᠤ ᠰᠦᠷᠦᠭᠵᠢᠯ ᠤᠨ ᠤᠡᠭᠭᠤᠨ ᠤ ᠲᠤᠭᠠ ᠬᠡᠮᠵᠢᠶᠡ ᠤᠯᠠᠨ᠂ ᠬᠡᠯᠪᠡᠷᠢ ᠪᠠᠶᠢᠲᠠᠯ ᠨᠢ ᠤᠨᠴᠠᠭᠠᠢ | ᠪᠤᠯᠬᠤᠷ 2008 ᠤᠨ ᠳᠤ ᠨᠡᠶᠢᠳᠡᠮ ᠪᠠᠶᠢᠴᠠᠭᠠᠯᠲᠠ ᠪᠠᠷ ᠢᠯᠡᠷᠡᠬᠦᠯᠦᠮᠡᠭᠴᠡ ᠤᠷᠤᠨ ᠤ ᠲᠤᠲᠤᠨᠠ ᠭᠠᠲᠠᠨᠠᠬᠢ | ᠬᠠᠭᠤᠴᠢ ᠰᠤᠲᠤᠯᠤᠭᠠᠴᠢᠳ ᠤᠨ ᠰᠤᠨᠢᠷᠬᠠᠯ ᠢ ᠲᠠᠲᠠᠵᠠᠢ᠃ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠲᠡᠦᠭᠡᠨ ᠲᠤᠷᠠᠰᠬᠠᠯᠲᠦ | ᠵᠦᠢᠯᠡᠰ ᠬᠠᠭᠤᠴᠢ ᠰᠤᠲᠤᠯᠤᠯ ᠤᠨ ᠰᠤᠲᠤᠯᠭᠠᠨ ᠤ ᠭᠠᠵᠠᠷ᠂ ᠪᠠᠷᠠᠭᠤᠨ ᠬᠤᠶᠢᠲᠦ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ | ᠰᠤᠶᠤᠯ ᠤᠨ ᠦᠪ ᠤᠨ ᠲᠡᠭᠡᠲᠦ ᠰᠤᠷᠭᠠᠭᠤᠯᠢ᠂ ᠤᠯᠤᠰ ᠤᠨ ᠮᠦᠽᠸᠢ ᠵᠡᠷᠭᠡ ᠪᠠᠶᠢᠭᠤᠯᠭᠠ ᠨᠢᠬᠡᠴᠢ ᠶᠢᠨ ᠲᠤᠰᠬᠠᠢ | ᠮᠡᠷᠭᠡᠵᠢᠯᠳᠡᠳ ᠪᠠ ᠰᠤᠲᠤᠯᠭᠠᠲᠠᠳ ᠪᠦᠷ ᠠᠬᠤᠢ ᠲᠠᠯᠠᠪᠠᠢ ᠳᠤ ᠬᠦᠷᠴᠦ ᠪᠠᠶᠢᠴᠠᠭᠠᠨ ᠰᠤᠲᠤᠯᠤᠯᠲᠠ ᠬᠢᠵᠦ᠂ ᠲᠤᠰ | ᠤᠩᠭᠤᠨ ᠤ ᠰᠦᠷᠦᠭᠵᠢᠯ ᠪᠤᠯ ᠤᠮᠠᠷᠠᠲᠦ ᠶᠢᠨ ᠴᠦᠭᠡᠨ ᠲᠤᠭᠠᠲᠦ ᠦᠨᠲᠦᠰᠦᠳᠡᠨ ᠤ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ᠂ | ᠬᠦᠷᠡᠯ ᠵᠡᠪᠰᠡᠭ ᠤᠨ ᠴᠠᠭ ᠦᠶᠡ ᠠᠴᠠ ᠬᠠᠨ ᠤᠯᠤᠰ ᠬᠦᠷᠳᠡᠯᠡᠬᠢ ᠴᠢᠯᠠᠭᠤᠨ ᠪᠦᠲᠦᠴᠡᠲᠦ ᠤᠩᠭᠤᠨ ᠤ | ᠰᠦᠷᠦᠭᠵᠢᠯ ᠮᠦᠨ ᠭᠡᠵᠦ ᠠᠩᠬᠠ ᠠᠯᠬᠤᠮ ᠮᠠᠭᠠᠳᠯᠠᠯᠲᠠ ᠬᠢᠭᠰᠡᠨ ᠪᠠᠶᠢᠨᠠ᠃ | ᠮᠠ ᠽᠦᠩ ᠱᠠᠨ ᠠᠭᠤᠯᠠᠨ ᠤ ᠤᠩᠭᠤᠨ ᠤ ᠰᠦᠷᠦᠭᠵᠢᠯ ᠨᠢ 2014 ᠤᠨ ᠳᠤ ᠦᠪᠡᠷᠳᠡᠭᠡᠨ | ᠵᠠᠰᠠᠬᠤ ᠤᠷᠤᠨ ᠤ ᠲᠠᠪᠤᠲᠤᠭᠠᠷ ᠪᠦᠯᠦᠭ ᠤᠨ ᠭᠤᠤᠯᠲᠠᠯᠭᠠᠲᠦ ᠲᠡᠦᠭᠡᠨ ᠲᠤᠷᠠᠰᠬᠠᠯᠲᠦ ᠵᠦᠢᠯᠡᠰ ᠤᠨ | ᠬᠠᠮᠠᠭᠠᠯᠠᠯᠲᠠ ᠶᠢᠨ ᠨᠢᠬᠡᠴᠢ ᠪᠠᠷ ᠲᠤᠭᠲᠠᠭᠠᠭᠲᠠᠵᠦ᠂ ᠤᠩᠭᠤᠨ ᠤ ᠰᠦᠷᠦᠭᠵᠢᠯ ᠳᠤᠨᠢ ᠴᠢᠯᠠᠭᠤᠨ ᠬᠠᠪᠲᠠᠰᠦᠲᠦ | ᠤᠩᠭᠤᠨ ᠪᠠᠶᠢᠬᠤ ᠠᠴᠠ ᠭᠠᠲᠠᠨᠠ ᠪᠠᠰᠠ ᠴᠢᠯᠠᠭᠤ ᠪᠠᠷ ᠤᠪᠤᠭᠠᠯᠠᠬᠰᠠᠨ ᠤᠩᠭᠤᠨ ᠪᠠᠶᠢᠲᠠᠭ ᠪᠤᠯᠬᠤᠷ ︽ᠮᠠ ᠽᠦᠩ | ᠱᠠᠨ ᠤ ᠴᠢᠯᠠᠭᠤᠨ ᠪᠦᠲᠦᠴᠡᠲᠦ ᠤᠩᠭᠤᠨ ᠤ ᠰᠦᠷᠦᠭᠵᠢᠯ︾ ᠭᠡᠵᠦ ᠨᠡᠷᠡᠯᠡᠭᠳᠡᠭᠰᠡᠨ ᠪᠠᠶᠢᠨᠠ᠃ | ᠡᠬᠢᠯᠡᠬᠦ ᠳᠡᠭᠡᠨ ᠵᠢᠵᠢᠭᠭᠡᠨ ᠰᠦᠮᠡ ᠪᠠᠶᠢᠬᠰᠠᠨ ᠢᠶᠠᠨ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ ᠦᠶᠡ ᠳᠤ ᠡᠬᠢᠯᠡᠭᠡᠳ | ᠬᠦᠷᠢᠶᠡ ᠬᠡᠪᠴᠢᠶᠡ ᠪᠠᠨ ᠦᠷᠭᠡᠳᠭᠡᠵᠦ᠂ ᠴᠢᠩ ᠤᠨ ᠵᠠᠰᠠᠭ ᠤᠨ ᠤᠷᠲᠤᠨ ᠠᠴᠠ ︽ᠨᠤᠮ ᠪᠠᠶᠠᠰᠬᠤᠯᠠᠩᠲᠦ ᠰᠦᠮᠡ︾ | ᠭᠡᠮᠡᠬᠦ ᠨᠡᠷᠡ ᠬᠠᠶᠢᠷᠠᠯᠠᠬᠰᠠᠨ ᠪᠠᠶᠢᠨᠠ᠃ ᠲᠤᠰ ᠰᠦᠮᠡ ᠤᠤᠯ ᠨᠢ ᠴᠢᠩ ᠤᠯᠤᠰ ᠤᠨ ᠤᠷᠠᠳ ᠤᠨ ᠬᠦᠩ ᠤᠨ | ᠲᠤᠮᠲᠠᠲᠦ ᠬᠤᠰᠢᠭᠤᠨ ᠤ ᠬᠤᠰᠢᠭᠤ ᠰᠦᠮᠡ ᠪᠠᠶᠢᠵᠦ᠂ ᠮᠠᠰᠢ ᠤᠨᠴᠠᠭᠠᠢ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠪᠠᠶᠢᠵᠠᠢ᠃ | ᠴᠢᠩ ᠤᠯᠤᠰ ᠤᠨ ᠦᠶᠡ ᠶᠢ᠂ ᠲᠤᠬᠠᠢ ᠶᠢᠨ ᠭᠠᠵᠠᠷ ᠲᠤ ᠬᠡᠦᠬᠡᠳ ᠢᠶᠠᠨ ᠰᠠᠭᠤᠯᠭᠠᠵᠦ ᠪᠢᠴᠢᠭ | ᠦᠵᠡᠬᠦᠯᠬᠦ ᠰᠤᠷᠭᠠᠭᠤᠯᠢ ᠲᠤᠲᠠᠭᠲᠠᠵᠦ ᠪᠠᠶᠢᠬᠰᠠᠨ ᠪᠤᠯᠬᠤᠷ ᠮᠠᠯᠴᠢᠳ ᠬᠡᠦᠬᠡᠳ ᠢᠶᠠᠨ ᠲᠤᠰ ᠰᠦᠮᠡ ᠳᠤ ᠱᠠᠪᠢ | ᠯᠠᠮᠠ ᠤᠷᠤᠭᠤᠯᠲᠠᠭ ᠪᠠᠶᠢᠵᠠᠢ᠃ ᠲᠤᠰ ᠰᠦᠮᠡ ᠨᠢ ᠲᠦᠪᠡᠳ ᠤᠨ ᠪᠤᠷᠬᠠᠨ ᠱᠠᠰᠢᠨ ᠤ ᠲᠠᠭᠤᠨ ᠤᠬᠠᠭᠠᠨ᠂ | ᠲᠤᠲᠤᠭᠠᠲᠦ ᠤᠬᠠᠭᠠᠨ᠂ ᠨᠤᠲᠠᠯᠠᠬᠤᠢ ᠤᠬᠠᠭᠠᠨ᠂ ᠤᠷᠠᠯᠠᠬᠤᠢ ᠤᠬᠠᠭᠠᠨ᠂ ᠲᠡᠵᠢᠭᠡᠬᠦᠢ ᠤᠬᠠᠭᠠᠨ ᠢ ᠪᠠᠭᠲᠠᠭᠠᠭᠰᠠᠨ | ︽ᠶᠡᠭᠡ ᠲᠠᠪᠤᠨ ᠤᠬᠠᠭᠠᠨ︾ ᠢ ᠵᠢᠭᠠᠲᠠᠭ ᠪᠠᠶᠢᠬᠰᠠᠨ ᠪᠦᠬᠡᠳ ᠤᠶᠢᠢᠷᠠ ᠬᠠᠪᠢ ᠶᠢᠨ ᠮᠠᠯᠴᠢᠳ ᠲᠤ ᠡᠮᠨᠡᠯᠬᠡ ᠶᠢᠨ | ᠦᠢᠯᠡᠴᠢᠯᠡᠭᠡ ᠬᠠᠨᠭ᠍ᠭᠠᠲᠠᠭ ᠪᠠᠶᠢᠬᠰᠠᠨ ᠶᠤᠮ᠃ ᠲᠤᠰ ᠰᠦᠮᠡ ᠠᠴᠠ ᠨᠡᠷᠡᠲᠦ ᠡᠮᠴᠢ ᠴᠤᠯᠭᠤᠷᠠᠲᠠᠭ ᠤᠲᠤᠮᠰᠢᠯ ᠲᠠᠢ | ᠪᠢᠯᠡ᠃ ᠬᠦᠨᠳᠡᠯᠡᠨ ᠰᠦᠮᠡ ᠳᠤ ᠲᠦᠪᠡᠳ ᠰᠤᠲᠤᠷ ᠬᠠᠲᠠᠭᠠᠯᠠᠬᠲᠠᠵᠦ ᠪᠠᠶᠢᠭᠠ ᠠᠴᠠ ᠭᠠᠲᠠᠨᠠ ᠪᠠᠰᠠ ᠵᠠᠷᠢᠮ | ᠮᠤᠩᠭᠤᠯ ᠰᠤᠲᠤᠷ ᠢ ᠬᠠᠲᠠᠭᠠᠯᠠᠵᠦ ᠪᠠᠶᠢᠲᠠᠭ᠃ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ | ᠠᠷᠪᠠ ᠶᠢᠰᠦᠨ ᠤ ᠡᠲᠦᠷ᠂ ᠬᠤᠷᠢᠨ ᠬᠤᠶᠠᠷ ᠤᠨ ᠡᠲᠦᠷ ᠮᠠᠨᠢ ᠶᠢᠨ ᠬᠤᠷᠠᠯ ᠡᠷᠬᠢᠯᠡᠳᠡᠭ ᠤᠯᠠᠮᠵᠢᠯᠠᠯ ᠲᠠᠢ᠃ | ᠬᠦᠨᠳᠡᠯᠡᠨ ᠰᠦᠮᠡ ᠨᠢ ᠪᠤᠷᠬᠠᠨ ᠱᠠᠰᠢᠨ ᠢ ᠤᠯᠠᠮᠵᠢᠯᠠᠵᠦ ᠨᠤᠮ ᠤᠨ ᠬᠤᠷᠠᠯ ᠬᠢᠬᠦ ᠠᠴᠠ ᠭᠠᠲᠠᠨᠠ ᠪᠠᠰᠠ ᠬᠠᠰᠠᠷ ᠤᠨ | ᠲᠠᠬᠢᠯᠭᠠ ᠶᠢ ᠬᠠᠷᠢᠭᠤᠴᠠᠲᠠᠭ᠃ ᠤᠲᠤ ᠲᠤᠰ ᠰᠦᠮᠡ ᠶᠢᠨ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠶᠤᠰᠤ ᠭᠤᠷᠢᠮ ᠨᠢ | ᠨᠢᠬᠡᠨᠳᠡ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠲᠡᠰ ᠤᠨ ᠪᠤᠲᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠲᠤ ᠪᠦᠷᠢᠳᠭᠡᠭᠳᠡᠭᠰᠡᠨ | ᠪᠠᠶᠢᠨᠠ᠃ | ᠪᠦᠬᠦ ᠤᠯᠤᠰ ᠤᠨ ᠭᠤᠤᠯᠲᠠᠯᠭᠠᠲᠦ ᠲᠡᠦᠭᠡᠨ ᠲᠤᠷᠠᠰᠬᠠᠯᠲᠦ ᠵᠦᠢᠯ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠨᠢᠬᠡᠴᠢ | ᠪᠤᠯᠤᠬᠰᠠᠨ ᠨᠢ ᠬᠦᠨᠳᠡᠯᠡᠨ ᠰᠦᠮᠡ ᠶᠢᠨ ᠲᠡᠦᠭᠡ ᠰᠤᠶᠤᠯ ᠤᠨ ᠦᠨᠡ ᠦᠷᠳᠡᠭ᠂ ᠪᠠᠷᠢᠯᠭᠠ᠂ ᠤᠷᠠᠯᠢᠭ᠂ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠷᠭᠡᠵᠢᠯ ᠵᠢᠴᠢ ᠭᠤᠸᠠ ᠵᠦᠢ ᠶᠢᠨ ᠲᠠᠯᠠ ᠪᠠᠷ ᠬᠢ ᠦᠨᠡ ᠦᠷᠳᠡᠭ ᠢ ᠨᠢ | ᠢᠯᠡᠷᠡᠬᠦᠯᠦᠭᠰᠡᠨ ᠢᠶᠠᠷ ᠦᠯᠦ ᠪᠠᠷᠠᠮ ᠭᠠᠵᠠᠷ ᠤᠷᠤᠨ ᠤ ᠰᠤᠶᠤᠯ ᠵᠢᠭᠤᠯᠴᠢᠯᠠᠯ ᠤᠨ ᠦᠢᠯᠡᠰ ᠤᠨ ᠴᠡᠴᠡᠭᠯᠡᠨ | ᠬᠦᠭᠵᠢᠯᠳᠡ ᠳᠤ ᠪᠠᠰᠠ ᠲᠦᠯᠬᠢᠴᠡ ᠦᠢᠯᠡᠲᠦᠯ ᠦᠵᠡᠬᠦᠯᠬᠦ ᠨᠢ ᠯᠠᠪᠲᠠᠢ᠃ | ᠴᠠᠭ ᠦᠶᠡ ᠶᠢᠨ ᠲᠡᠮᠳᠡᠭᠯᠡᠯ᠄ ᠤᠶᠢᠷᠠ ᠤᠲᠤ ᠦᠶᠡ ᠶᠢᠨ ᠲᠡᠦᠭᠡᠨ ᠦᠯᠡᠳᠡᠭᠳᠡᠯ | ᠨᠠᠢᠮᠠᠳᠤᠭᠠᠷ ᠪᠦᠯᠦᠭ ᠤᠨ ᠪᠦᠬᠦ ᠤᠯᠤᠰ ᠤᠨ ᠭᠤᠤᠯᠲᠠᠯᠭᠠᠲᠦ ᠲᠡᠦᠭᠡᠨ ᠲᠤᠷᠠᠰᠬᠠᠯᠲᠦ ᠵᠦᠢᠯᠡᠰ ᠤᠨ | ᠬᠠᠮᠠᠭᠠᠯᠠᠯᠲᠠ ᠶᠢᠨ ᠨᠢᠬᠡᠴᠢ ᠳᠤ ᠮᠠᠨ ᠤ ᠤᠷᠤᠨ ᠤ ᠴᠠᠭᠠᠨ ᠰᠤᠪᠤᠷᠭᠠ ᠭᠠᠯᠲᠦ ᠲᠡᠷᠭᠡᠨ ᠦᠷᠳᠡᠭᠡᠨ ᠤ ᠪᠠᠭᠤᠷᠢ᠂ | ᠲᠤᠮᠲᠠᠲᠦ ᠶᠢ ᠲᠦᠷᠢᠮᠡᠬᠡᠶᠢᠯᠡᠭᠰᠡᠨ ᠶᠠᠫᠦᠨ ᠴᠡᠷᠢᠭ ᠤᠨ ᠮᠤᠰᠬᠢᠭᠤ ᠳᠠᠬᠢ ᠪᠠᠬᠢᠯᠡᠯᠳᠡ ᠶᠢᠨ ᠪᠠᠭᠤᠷᠢ᠂ ᠵᠢᠨᠢᠩ ᠤᠨ | ᠪᠠᠶᠢᠯᠲᠤᠭᠠᠨ ᠤ ᠪᠠᠭᠤᠷᠢ ᠵᠡᠷᠭᠡ 3 ᠨᠢᠭᠡᠴᠢ ᠵᠢᠬᠰᠠᠭᠠᠭᠲᠠᠵᠠᠢ᠃ | ᠴᠠᠭᠠᠨ ᠰᠤᠪᠤᠷᠭᠠ ᠭᠠᠯᠲᠦ ᠲᠡᠷᠭᠡᠨ ᠦᠷᠳᠡᠭᠡᠨ ᠤ ᠪᠠᠭᠤᠷᠢ ᠬᠦᠬᠡᠬᠤᠲᠠ ᠶᠢᠨ ᠰᠠᠶᠢᠬᠠᠨ | ᠲᠤᠭᠤᠷᠢᠭ ᠲᠤ ᠪᠠᠶᠢᠲᠠᠭ᠂ ᠲᠤᠰ ᠦᠷᠳᠡᠭᠡ ᠨᠢ ᠦᠷᠳᠡᠭᠡᠨ ᠤ ᠭᠡᠷ᠂ ᠲᠤᠬᠢᠶᠠ ᠶᠢᠨ ᠭᠡᠷ᠂ ᠠᠯᠪᠠᠨ ᠭᠠᠵᠠᠷ ᠪᠠ | ᠪᠠᠬᠢᠯᠡᠯᠳᠡ ᠵᠡᠷᠭᠡ ᠤᠯᠠᠨ ᠪᠠᠷᠢᠯᠭᠠ ᠪᠠᠷ ᠪᠦᠷᠢᠯᠲᠦᠭᠰᠡᠨ ᠶᠤᠮ᠃ ᠡᠬᠦᠨ ᠳᠤ᠂ ᠦᠷᠳᠡᠭᠡᠨ ᠤ ᠭᠡᠷ᠂ ᠲᠤᠬᠢᠶᠠ ᠶᠢᠨ | ᠭᠡᠷ᠂ ᠠᠯᠪᠠᠯᠠᠬᠤ ᠭᠠᠵᠠᠷ ᠨᠢ ᠲᠤᠭᠤᠰᠬᠠ ᠮᠤᠲᠤᠨ ᠪᠦᠲᠦᠴᠡ ᠲᠠᠢ ᠪᠠᠶᠢᠵᠦ᠂ ᠪᠠᠬᠢᠯᠡᠯᠳᠡ ᠨᠢ ᠪᠧᠲ᠋ᠤᠨ | ᠪᠦᠲᠦᠴᠡ ᠲᠠᠢ᠃ ᠦᠷᠳᠡᠭᠡᠨ ᠤ ᠬᠡᠷ ᠤᠨ ᠭᠠᠲᠠᠷ ᠬᠡᠷᠡᠮ ᠲᠡᠭᠡᠷᠡ ᠢᠷᠭᠡᠨ ᠤᠯᠤᠰ ᠤᠨ ᠠᠷᠪᠠᠲᠤᠭᠠᠷ ᠤᠨ ᠤ | ᠦᠶᠡ ᠳᠤ ᠴᠧᠨ ᠱᠢ ᠶᠢᠩ ᠤᠨ ᠪᠢᠴᠢᠭᠰᠡᠨ ︽ᠴᠠᠭᠠᠨ ᠰᠤᠪᠤᠷᠭᠠ ᠲᠡᠷᠭᠡᠨ ᠦᠷᠳᠡᠭᠡ PAITA︾ ᠬᠡᠮᠡᠬᠦ ᠫᠠᠶᠢᠰᠠ | ᠢᠯᠡᠷᠭᠡᠶᠢᠯᠡᠯ ᠢ ᠡᠯᠬᠦᠵᠦ ᠪᠠᠶᠢᠲᠠᠭ᠃ 1923 ᠤᠨ ᠳᠤ ᠪᠠᠶᠢᠭᠤᠯᠤᠬᠲᠠᠬᠰᠠᠨ ᠲᠤᠰ ᠦᠷᠳᠡᠭᠡ ᠨᠢ ᠲᠤᠮᠲᠠᠲᠦ | ᠤᠯᠤᠰ ᠤᠨ ᠲᠡᠮᠦᠷ ᠵᠠᠮ ᠤᠨ ᠲᠤᠪᠴᠢᠶᠠ ᠶᠢᠨ ᠪᠦᠯᠦᠭᠯᠡᠯ ᠤᠨ ᠬᠢᠵᠠᠭᠠᠷᠲᠦ ᠺᠤᠮᠫᠠᠨᠢ ᠶᠢᠨ ᠬᠠᠷᠢᠶᠠᠨ ᠳᠠᠬᠢ | ᠲᠦᠷᠪᠡᠲᠦᠭᠡᠷ ᠲᠡᠰ ᠤᠨ ᠦᠷᠳᠡᠭᠡ ᠪᠤᠯᠬᠤ ᠶᠤᠮ᠃ 1937 ᠤᠨ ᠳᠤ ᠬᠦᠢ ᠰᠦᠢ ᠬᠤᠲᠠ ᠲᠠᠶᠢᠨ ᠳᠤ | ᠦᠷᠲᠦᠵᠦ ᠶᠠᠫᠦᠨ ᠲᠦᠷᠢᠮᠡᠬᠡᠶᠢᠯᠡᠭᠴᠢᠳ ᠲᠤᠰ ᠦᠷᠳᠡᠭᠡᠨ ᠤ ᠵᠠᠷᠢᠮ ᠭᠡᠰᠡᠭ ᠲᠤᠨᠢ ᠦᠬᠡᠷᠡᠴᠢᠯᠡᠯᠳᠡ ᠬᠢᠵᠡᠢ᠃ | 1977 ᠤᠨ ᠳᠤ ᠪᠡᠭᠡᠵᠢᠩ ᠠᠴᠠ ᠪᠤᠭᠤᠲᠤ ᠬᠦᠷᠬᠦ ᠲᠡᠮᠦᠷ ᠵᠠᠮ ᠤᠨ ᠱᠤᠭᠤᠮ ᠠᠶᠠᠯᠠᠯ ᠤᠨ ᠵᠠᠮ ᠢᠶᠠᠨ | ᠦᠬᠡᠷᠡᠴᠢᠯᠡᠭᠰᠡᠨ ᠠᠴᠠ ᠲᠤᠰ ᠭᠠᠯᠲᠦ ᠲᠡᠷᠭᠡᠨ ᠦᠷᠳᠡᠭᠡ ᠨᠢ ᠲᠡᠮᠦᠷ ᠵᠠᠮ ᠤᠨ ᠱᠤᠭᠤᠮ ᠠᠴᠠ ᠬᠤᠯᠠ ᠪᠤᠯᠤᠬᠰᠠᠨ | ᠪᠤᠯᠬᠤᠷ ᠬᠠᠶᠠᠬᠲᠠᠪᠠ᠃ | ᠲᠤᠮᠲᠠᠲᠦ ᠶᠢ ᠲᠦᠷᠢᠮᠡᠭᠡᠶᠢᠯᠡᠭᠰᠡᠨ ᠶᠠᠫᠦᠨ ᠴᠡᠷᠢᠭ ᠤᠨ ᠮᠤᠰᠭᠢᠭᠤ ᠳᠠᠬᠢ ᠪᠠᠬᠢᠯᠡᠯᠳᠡ ᠶᠢᠨ ᠪᠠᠭᠤᠷᠢ | ᠤᠲᠤ ᠤᠯᠠᠭᠠᠨᠬᠠᠲᠠ ᠬᠤᠲᠠ ᠶᠢᠨ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠲᠤᠩ ᠰᠢᠩ ᠪᠠᠯᠭᠠᠰᠦ ᠳᠤ ᠪᠠᠶᠢᠲᠠᠭ᠃ ᠲᠤᠰ | ᠪᠠᠭᠤᠷᠢ ᠨᠢ 15 ᠪᠠᠬᠢᠯᠡᠯᠳᠡ᠂ 2 ᠬᠠᠯᠬᠠᠪᠴᠢ᠂ 2 ᠬᠤᠳᠲᠤᠭ ᠮᠠᠶᠢᠭ ᠤᠨ ᠪᠠᠬᠢᠯᠡᠯᠳᠡ᠂ 1 ᠨᠦᠬᠡᠨ ᠬᠦᠮᠦᠷᠭᠡ᠂ | 1 ᠪᠠᠶᠢᠰᠢᠩ ᠤᠨ ᠪᠠᠭᠤᠷᠢ ᠪᠠ 1 ᠵᠤᠷᠪᠤᠰ ᠲᠠᠩᠺ ᠤᠨ ᠲᠠᠭᠠᠷᠢᠯᠲᠠ ᠶᠢ ᠡᠰᠡᠷᠬᠦᠴᠡᠬᠦ ᠱᠤᠭᠤᠮ ᠢᠶᠠᠷ ᠪᠦᠷᠢᠯᠲᠦᠵᠦ᠂ | 1.5 ᠺᠢᠯᠣᠮᠧᠳ᠋ᠷ ᠤᠷᠲᠤ ᠴᠠᠭᠠᠷᠢᠭᠯᠠᠨ ᠲᠠᠷᠬᠠᠵᠠᠢ᠃ 1941 ᠤᠨ ᠤ ᠬᠠᠪᠤᠷ᠂ ᠶᠠᠫᠦᠨ ᠴᠡᠷᠢᠭ ᠲᠤᠩ ᠰᠢᠩ | ᠪᠠᠯᠭᠠᠰᠦ ᠶᠢᠨ ᠰᠧ ᠯᠢ ᠪᠧᠨ ᠲᠤᠰᠬᠤᠨ ᠳᠤ ᠰᠠᠭᠤᠵᠦ᠂ 100 ᠭᠠᠷᠤᠢ ᠬᠦᠳᠡᠯᠮᠦᠷᠢ ᠬᠦᠴᠦ ᠪᠠ ᠲᠡᠷᠭᠡ | ᠬᠦᠰᠭᠡ ᠶᠢ ᠤᠤᠯᠭᠠᠯᠠᠨ ᠠᠪᠴᠢᠷᠠᠵᠦ᠂ ᠴᠡᠷᠢᠭ ᠤᠨ ᠶᠠᠪᠤᠲᠠᠯ ᠤᠨ ᠰᠡᠷᠭᠡᠶᠢᠯᠡᠯᠳᠡ ᠶᠢᠨ ᠱᠤᠭᠤᠮ ᠪᠠᠶᠢᠭᠤᠯᠤᠬᠰᠠᠨ | ᠪᠠᠶᠢᠨᠠ᠃ 1943 ᠤᠨ ᠤ ᠰᠡᠬᠦᠯᠴᠢ ᠪᠤᠯᠬᠤ ᠳᠤ᠂ ᠶᠠᠫᠦᠨ ᠴᠡᠷᠢᠭ ᠰᠧ ᠯᠢ ᠪᠧᠨ ᠳᠤ 15 ᠪᠠᠬᠢᠯᠡᠯᠳᠡ ᠪᠠᠷᠢᠵᠦ᠂ | ᠪᠠᠷᠢᠯᠭᠠ ᠲᠠᠭᠤᠰᠤᠭᠰᠠᠨ ᠤ ᠲᠠᠷᠠᠭᠠ ᠨᠢᠭᠤᠴᠠ ᠪᠠᠨ ᠵᠠᠲᠠᠷᠠᠭᠤᠯᠬᠤ ᠦᠬᠡᠢ ᠶᠢᠨ ᠲᠦᠯᠦᠬᠡ 40 ᠭᠠᠷᠤᠢ | ᠬᠦᠳᠡᠯᠮᠦᠷᠢ ᠬᠦᠴᠦ ᠶᠢ ᠬᠢᠲᠤᠬᠰᠠᠨ ᠪᠠᠶᠢᠨᠠ᠃ 1945 ᠤᠨ ᠳᠤ ᠶᠠᠫᠦᠨ ᠪᠠᠭᠤᠵᠦ ᠦᠭᠬᠦᠭᠰᠡᠨ ᠤ ᠲᠠᠷᠠᠭᠠ ᠠᠳᠡ | ᠰᠠᠭᠤᠵᠦ ᠪᠠᠶᠢᠬᠰᠠᠨ ᠶᠠᠫᠦᠨ ᠴᠡᠷᠢᠭ ᠯᠢᠨᠰᠢ ᠰᠢᠶᠠᠨ ᠤ ᠪᠠᠭᠠ ᠨᠠᠷᠢᠨ ᠭᠤᠤ ᠤᠷᠴᠢᠮ ᠲᠤᠲᠠᠭᠠᠵᠦ ᠬᠦᠷᠦᠭᠡᠳ | ᠵᠦᠪᠯᠡᠯᠲᠦ ᠬᠤᠯᠪᠤᠭᠠᠲᠦ ᠶᠢᠨ ᠤᠯᠠᠭᠠᠨ ᠴᠡᠷᠢᠭ ᠲᠤ ᠪᠦᠬᠦᠨ ᠢᠶᠠᠷ ᠢᠶᠠᠨ ᠠᠯᠠᠬᠲᠠᠪᠠ᠃ | ᠵᠢᠨᠢᠩ ᠤᠨ ᠪᠠᠶᠢᠯᠲᠤᠭᠠᠨ ᠤ ᠪᠠᠭᠤᠷᠢ ᠤᠯᠠᠭᠠᠨᠴᠠᠪ ᠬᠤᠲᠠ ᠶᠢᠨ ᠵᠢᠨᠢᠩ ᠲᠤᠭᠤᠷᠢᠭ ᠲᠤ ᠪᠠᠶᠢᠷᠢᠯᠠᠲᠠᠭ᠃ | ᠪᠠᠶᠢᠯᠲᠤᠭᠠᠨ ᠤ ᠪᠠᠭᠤᠷᠢ ᠶᠢᠨ ᠴᠢᠬᠤᠯᠠ ᠪᠠᠷᠢᠯᠭᠠ ᠪᠤᠯᠬᠤ ᠵᠢᠨᠢᠩ ᠤᠨ ᠭᠤᠯᠢᠷ ᠤᠨ ᠺᠤᠮᠫᠠᠨᠢ ᠶᠢ 1940 | ᠤᠨ ᠠᠴᠠ ᠡᠬᠢᠯᠡᠨ ᠪᠠᠶᠢᠭᠤᠯᠵᠦ᠂ ᠶᠠᠫᠤᠨᠴᠤᠳ ᠤᠨ ᠴᠡᠷᠢᠭ ᠠᠩᠬᠢ ᠪᠠ ᠴᠡᠷᠢᠭ ᠲᠠᠭᠠᠵᠦ ᠪᠠᠶᠢᠬᠰᠠᠨ ᠬᠦᠮᠦᠰ ᠤᠨ | ᠠᠮᠢᠲᠤᠷᠠᠯ ᠤᠨ ᠭᠡᠷᠡᠭᠴᠡᠭᠡ ᠶᠢ ᠬᠠᠩᠭᠠᠬᠤ ᠶᠢᠨ ᠲᠦᠯᠦᠬᠡ ᠪᠠᠶᠢᠭᠤᠯᠤᠬᠰᠠᠨ ᠭᠤᠯᠢᠷ ᠤᠨ ᠺᠤᠮᠫᠠᠨᠢ ᠶᠢᠨ ᠭᠤᠤᠯ | ᠪᠠᠷᠢᠯᠭᠠ ᠪᠤᠯᠬᠤ ᠶᠤᠮ᠃ ᠲᠤᠰ ᠠᠰᠠᠷ ᠢ ᠪᠠᠶᠢᠭᠤᠯᠬᠤ ᠳᠤ ᠶᠠᠫᠦᠨ ᠴᠡᠷᠢᠭ ᠤᠳ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ | ᠬᠦᠮᠦᠰ ᠢ ᠰᠦᠷᠳᠡᠬᠦᠯᠦᠨ ᠪᠠᠶᠢᠵᠦ ᠬᠦᠳᠡᠯᠮᠦᠷᠢᠯᠡᠬᠦᠯᠳᠡᠭ ᠪᠠᠶᠢᠬᠰᠠᠨ ᠬᠡᠨᠡ᠃ ᠴᠢᠯᠦᠬᠡᠯᠡᠯᠳᠡ ᠶᠢᠨ ᠲᠠᠶᠢᠨ ᠤ | ᠬᠤᠭᠤᠴᠠᠭᠠᠨ ᠳᠤ ᠪᠤᠯᠤᠬᠰᠠᠨ 1946 ᠤᠨ ᠤ ᠵᠢᠨᠢᠩ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠲᠠᠶᠢᠨ᠂ 1947 ᠤᠨ ᠤ | ᠳ᠋ᠠᠲ᠋ᠦ᠋ᠩ ᠵᠢᠨᠢᠩ ᠤᠨ ᠪᠠᠶᠢᠯᠲᠤᠭᠠᠨ᠂ 1948 ᠤᠨ ᠤ ᠵᠢᠨᠢᠩ ᠢ ᠴᠢᠯᠦᠬᠡᠯᠡᠬᠦ ᠲᠠᠶᠢᠨ ᠵᠡᠷᠭᠡ ᠳᠤ ᠭᠤᠯᠢᠷ ᠤᠨ | ᠺᠤᠮᠫᠠᠨᠢ ᠶᠢᠨ ᠠᠰᠠᠷ ᠪᠤᠯᠤᠨ ᠵᠢᠨᠢᠩ ᠤᠨ ᠭᠠᠯᠲᠦ ᠲᠡᠷᠭᠡᠨ ᠦᠷᠳᠡᠭᠡᠨ ᠤ ᠤᠰᠤᠨ ᠴᠠᠮᠬᠠᠭ ᠵᠡᠷᠭᠡ ᠨᠢ ᠠᠷᠠᠳ ᠤᠨ | ᠴᠢᠯᠦᠬᠡᠯᠡᠬᠦ ᠴᠡᠷᠢᠭ ᠪᠠ ᠭᠤᠮᠢᠨᠲᠠᠩ ᠤᠨ ᠴᠡᠷᠢᠭ ᠤᠨ ᠪᠤᠯᠢᠶᠠᠯᠲᠦᠵᠦ ᠪᠠᠶᠢᠬᠰᠠᠨ ᠴᠢᠬᠤᠯᠠ ᠭᠠᠵᠠᠷ ᠤᠳ ᠪᠠᠶᠢᠬᠰᠠᠨ | ᠶᠤᠮ᠃ 1985 ᠤᠨ ᠳᠤ ᠤᠯᠠᠭᠠᠨᠴᠠᠪ ᠬᠤᠲᠠ ᠶᠢᠨ ᠮᠦᠽᠸᠢ ᠨᠢ ᠲᠤᠰ ᠪᠠᠭᠤᠷᠢ ᠳᠤ ᠬᠠᠮᠠᠭᠠᠯᠠᠯᠲᠠ ᠪᠠ ᠵᠠᠰᠠᠯᠲᠠ | ᠬᠢᠵᠦ᠂ ᠵᠠᠰᠠᠵᠦ ᠲᠠᠭᠤᠰᠬᠠᠬᠰᠠᠨ ᠤ ᠲᠠᠷᠠᠭᠠᠬᠢ ᠲᠤᠮᠤ ᠠᠰᠠᠷ ᠢ ᠠᠯᠪᠠᠯᠠᠬᠤ᠂ ᠲᠡᠯᠭᠡᠨ ᠦᠵᠡᠬᠦᠯᠬᠦ᠂ ᠲᠡᠦᠭᠡᠨ | ᠲᠤᠷᠠᠰᠬᠠᠯᠲᠦ ᠵᠦᠢᠯᠡᠰ ᠢ ᠬᠠᠲᠠᠭᠠᠯᠠᠬᠤ ᠲᠠᠯᠠᠪᠤᠷ ᠪᠤᠯᠭᠠᠬᠰᠠᠨ ᠪᠠᠶᠢᠨᠠ᠃ ᠲᠤᠰ ᠪᠠᠭᠤᠷᠢ ᠨᠢ ᠵᠢᠨᠢᠩ ᠤᠨ ᠨᠡᠷᠡ ᠶᠢᠨ | ᠬᠠᠭᠤᠲᠠᠰᠦ ᠪᠤᠯᠤᠬᠰᠠᠨ ᠲᠡᠲᠦᠢ ᠦᠬᠡᠢ᠂ ᠲᠤᠮᠲᠠᠲᠦ ᠶᠢᠨ ᠠᠷᠠᠳ ᠲᠦᠮᠡᠨ ᠤ ᠶᠠᠫᠦᠨ ᠲᠦᠷᠢᠮᠡᠬᠡᠶᠢᠯᠡᠭᠴᠢᠳ ᠢ | ᠡᠰᠡᠷᠬᠦᠴᠡᠭᠰᠡᠨ ᠲᠡᠦᠭᠡ ᠶᠢᠨ ᠪᠠᠲᠦ ᠬᠡᠷᠡᠴᠢ ᠪᠤᠯᠬᠤ ᠶᠤᠮ᠃ | ᠢᠷᠡᠯᠲᠡ᠄ ᠲᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠦᠯᠵᠢᠶᠡ | ᠨᠠᠶᠢᠷᠠᠭᠤᠯᠤᠭᠴᠢ᠄ ᠲᠤᠶᠠᠭᠠ | | | | | | |